Një YouTuber që luan rregullisht me piano në vende të pazakonta, pretendon se është i pari që i luan me instrument plotësisht nën ujë.
I zhytur në det me pianon e tij, Joe Jenkins luajti “Under the Sea” nga The Little Mermaid i Disney ndërsa ishte në një udhëtim në Swanage.
Pianisti i cili ka më shumë se 4.15 milionë abonentë në YouTube tha se kjo i kishte marrë dy vjet për të planifikuar.
Mundesh me e lexu edhe...
Ai tha se nga ana logjistike, me shëndetin dhe sigurinë, kishte qenë një “sfidë e madhe”.
Në videon e tij të fundit, Jenkins, nga Bristol, shihet i veshur me pajisje zhytjeje, duke përfshirë aparatin e frymëmarrjes, ndërsa luan një piano të verdhë që përdorte mekanizma plastikë në vend të drurit.
Jenkins tha se disa njerëz kishin tentuar një sfidë të ngjashme, si “një djalë që mori pianon e tij në det, por shkoi vetëm në gjysmë të tastierës”, ai besonte se ishte i pari që luajti një piano të zhytur plotësisht nën ujë.
Në një intervistë me BBC, Jenkins tha se video erdhi pasi dikush e “sfidoi” atë të provonte detyrën disa vjet më parë.
“E zhyta në ujë dhe zbrita atje, u zhyta dhe e luajta, tani më në fund kam arritur ta zgjidh”, tha ai.
Sfidat më të mëdha me të cilat ai tha se u përball ishin të sigurohej që ai të respektonte rregullat e shëndetit dhe sigurisë, të ishte në gjendje të zhytej në mënyrë të sigurt dhe të sigurohej që pianoja të funksiononte nën ujë.
“Ato nuk janë vërtet të dizajnuara për të punuar nën ujë siç mund ta imagjinoni, kështu që kalova një kohë të gjatë vetëm duke u përpjekur”, shtoi ai.
Tutje, ai tha se hapi i tij i radhës mendonte se do të ishte argëtuese të luante “Rocket Man” të Elton John në hapësirë./Katror.info
Përgatiti:
