Aeroporti Ndërkombëtar i Prishtinës “Adem Jashari” ka njoftuar të premten, se ka arritur në 4 milionë numri i pasagjerëve që kanë udhëtuar nga dhe drejt Kosovës përmes këtij aeroporti gjatë këtij viti.
Udhëtarë të katër miliontë kanë qenë një çift nga diaspora, Xhevdet dhe Fatime Gaxherri të cilët kanë fituar një sërë dhuratash nga aeroporti.
Sipas Zyrës së Kryeministrit, Kurti ka thënë se që nga koha e liberalizimit të vizave ka më shumë se dyfishim të numrit të pasagjerëve, 46% rritje të numrit të fluturimeve si dhe 16 destinacione të reja e 16 operatorë të rinj.
Mundesh me e lexu edhe…
“Me qëllim të përmirësimit të infrastrukturës së aeroportit, kryeministri njoftoi se janë krijuar lehtësira të tjera për zhvillimin e transportit ajror, siç është zgjatja e pistës nga 2,500m në 3,040m, avancimi i sistemit të aterimit – Instrument Landing System (ILS), i cili ka ndikuar ndjeshëm në rritjen e kapacitetit të aeroportit për pranimin e avionëve më të mëdhenj dhe më shumë fluturime, si dhe hapa e korridorit ajror përmes Shqipërisë që ka shkurtuar rrugën e fluturimit nga Republika e Kosovës për në Bashkim Evropian deri në 15 minuta,” – thuhet në komunikatën e Zyrës së Kryeministrit.
Tutje thuhet se duke u bazuar në marrëveshjen bilaterale me Zvicrën është arritur që për herë të parë të dizajnohet një operator ajror për transportin e udhëtarëve mes Kosovës dhe Zvicrës me kritere të caktuara nga shteti i Kosovës.
Qytetarët e Kosovës nga 1 janari i 2024 kanë filluar të udhëtojnë në Zonën Schengen pa viza.
Vendimi i BE-së për liberalizimin e vizave për Kosovën është nënshkruar më 19 prill të vitit 2023, nga përfaqësuesit e Parlamentit Europian dhe ata të Këshillit të BE-së./Katror.info
Përgatiti:
