Bordi i Drejtorëve të Korporatës Energjetike të Kosovës (KEK) ka miratuar krijimin e Departamentit të Sigurisë Fizike, gjatë mbledhjes së rregullt të mbajtur më 5 shkurt 2025, shkruan Katror.info.
“Bazuar në planin afarist të vitit 2025, është hartuar skema organizative e këtij departamenti, e cila gjithashtu është miratuar nga Bordi. Ky vendim ka për qëllim përmirësimin e cilësisë së shërbimeve të sigurimit, duke pasur parasysh rëndësinë e objekteve të KEK-ut për sigurinë energjetike dhe interesin jetik të vendit”, thuhet në njoftimin e KEK.
Funksionalizimi i këtij departamenti do të përfshijë gjithashtu hartimin e përshkrimeve të vendeve të punës, përcaktimin e kushteve dhe kritereve, si dhe rekrutimin e stafit të ri.
Mundesh me e lexu edhe…
“Gjithashtu, Bordi ka udhëzuar menaxhmentin të nisë krijimin dhe funksionalizimin e këtij departamenti. Ky proces do të përfshijë hartimin e përshkrimeve të vendeve të punës, përcaktimin e kushteve dhe kritereve, si dhe rekrutimin e stafit të ri. Ai do të realizohet me transparencë të plotë dhe në përputhje me rregulloret e brendshme të korporatës dhe legjislacionin në fuqi”, thuhet tutje në njoftim.
“Ky hap është i rëndësishëm për forcimin e sigurisë së objekteve të KEK-ut dhe do të kontribuojë në një mbrojtje më të fortë dhe të qëndrueshme të aseteve të korporatës, duke siguruar një mbrojtje më të avancuar për interesat energjetike të vendit”, përfundon njoftimi./Katror.info
Përgatiti:
