Ata që kanë një iPhone SE 2 ose një model më të ri do të mund të shkarkojnë tashmë versionin e ri të sistemit operativ Apple – iOS 17 të hënën.
Pasi bëri një prezantim të madh të iPhone-ve dhe orëve inteligjente të reja, Apple njoftoi se versioni i ri i sistemit operativ celular të kompanisë, iOS 17, do të jetë i disponueshëm për shkarkim më 18 shtator.
Modelet e mëposhtme të iPhone do të marrin përditësimin iOS 17:
Mundesh me e lexu edhe…
iPhone SE 2
iPhone XR
iPhone XS, XS Max
iPhone 11, 11 Pro, 11 Pro Max
iPhone 12, 12 Pro, 12 Pro Max, 12 mini
iPhone 13, 13 Pro, 13 Pro Max, 13 mini
iPhone 14, 14 Plus, 14 Pro, 14 Pro Max
iPhone 15, 15 Plus, 15 Pro, 15 Pro Max
Ndryshe, iOS 17 sjell një numër të madh ndryshimesh. Secili prej iPhone-ve që janë të përshtatshëm për instalimin e sistemit të ri operativ do të marrë aplikacione thelbësore të përmirësuara, sistemin Check In dhe funksionin StandBy. Por disa gjëra do të mbeten ende të rezervuara vetëm për modelet më të reja.
Siç u njoftua në fillim të qershorit, përdoruesit e iPhone 12 dhe modeleve më të reja do të jenë në gjendje të përdorin reagime të bazuara në gjeste në realitetin e shtuar në FaceTime, ndërsa ata me modele më të vjetra iPhone nuk do të mund ta bëjnë këtë.
IPhone-ët e rinj do të kenë gjithashtu përmirësime në korrigjimin automatik të gabimeve të shkrimit, ndërsa modelet Pro do të kenë një veçori të re qasjes të quajtur Point and Speak, e cila ndihmon njerëzit me shikim të dëmtuar dhe të verbër të ndërveprojnë me tekstin në mjedisin e tyre./Katror.info
Përgatiti:
