Ka marrë gati 50 vjet për t’u realizuar, për një projekt kolosal për të rrethuar shkretëtirën më të madhe të Kinës me pemë, ky projekt tani është përfunduar.
Duke u shtrirë për 3,000 km, ‘muri i gjelbër’ u konceptua për të ndalur përparimin e shkretëtirës Taklamakan dhe për të reduktuar stuhitë e rërës në rajonin veriperëndimor të Xinjiang-ut.
Më shumë se 30 milionë hektarë pemë janë mbjellë që nga vitet 1970. Projekti ka eksperimentuar me specie të ndryshme për të parë se cila është më efektive, çka ka sjellë edhe dështime të pashmangshme në fazat e para të tij, shkruan Positive News, përcjell Katror.info.
Mundesh me e lexu edhe…
Ka një debat të madh mbi efektivitetin e ‘brezit të gjelbër’ të Kinës.
Përkrahësit i referohen të dhënave zyrtare që tregojnë se përqindja e territorit të klasifikuar si shkretëtirë ka rënë nga 26.8% në 27.2% brenda një dekade. Gjithashtu, mbulimi pyjor në Xinjiang raportohet të ketë kaluar nga 1% në 5%, një tjetër tregues suksesi, sipas mbështetësve.
Kritikët pretendojnë se shkalla e mbijetesës së pemëve ka qenë e ulët dhe se zvogëlimi i shkretëtirës është rezultat i rritjes së reshjeve. Por një gjë për të cilën shumica bien dakord është se ‘brezi i gjelbër’ i Kinës e ka çuar zgjidhjen natyrore në një nivel të ri, në një kohë kur bota ka nevojë për më shumë ambicie në zbatimin e tyre. /Katror.info
Përgatiti:
