Autoritetet kineze ndaluan përmbajtjen e Profesorit Zhang Xuefeng, të njohur për këshillat e tij akademike.
Zhang fitoi famë në rrjetet sociale duke këshilluar se suksesin në universitete nuk e vendos vetëm përpjekja e nxënësit, por strategjia e duhur për aplikim dhe kuptimi i sistemeve të përzgjedhjes.
Ndalesa e tij bëhet pjesë e një fushate kombëtare dy mujore, e nisur më 22 shtator nga Administrata e Hapësirës Kibernetike të Kinës (CAC), që synon të rregullojë sjelljen në internet dhe të krijojë një ambient online më racional dhe të civilizuar.
Mundesh me e lexu edhe…
Kina synon të kontrollojë katër lloje sjelljesh të konsideruara të dëmshme, përfshirë promovimin e pesimizmit të tepruar, si narrativat që tregojnë pafuqinë e arsimit ose përpjekjeve.
Çdo shprehje e dëshpërimit apo dorëzimit, qoftë në fjalë kyçe, tekst, video apo komente, mund të fshihet nga platformat pa paralajmërim.
Ky vendim ka nxitur debate mbi lirinë e shprehjes dhe kontrollin e qeverisë mbi informacionin online, duke treguar një qasje gjithnjë e më të rreptë të Pekinit ndaj përmbajtjeve që mund të ndikojnë negativisht në moralin dhe perceptimet e qytetarëve. /AP/Katror.info
