Klubi i futbollit Barcelona raportohet të ketë bërë një hap të madh drejt transferimit të një futbollisti të dëshmuar viteve të fundit.
Fjala është për Nico Williams, anëtarin e Athletic Bilbaos, me të cilin siç raportojnë mediat europiane, klubi katalonas ka arritur marrëveshjen.
Sipas të njëjtave raporte, anësori është pajtuar të nënshkruajë kontratë deri në vitin 2031 me gjigantin nga Camp Nou, ndërsa në bazë të kësaj kontrate do të përfitojë 12 milionë euro në vit.
Mundesh me e lexu edhe…
Interesim për të kanë shfaqur vazhdimisht edhe klube tjera të njohura, përfshirë Bayern Munich dhe Arsenal, por siç është raportuar kohëve të fundit, dëshira e vetë lojtarit është që të veshë fanelën ‘blaugrana’.
Përkundër faktit që Barçës i mungon një qendërsulmues energjik, lojtarët që aktualisht ka në krah, si Lamine Yamal, Raphinha dhe në rast se bashkohet edhe Nico, atëherë reparti sulmues do të bëhej edhe më ‘i frikshëm’./Katror.info
