Pse nuk më ra në mend mua ma herët kjo ide? Kështu mund të pyes veten secili pas suksesit të jashtëzakonshëm të një startupi që nisi të shesë ujë në kanaçe birre. Këtë javë vlera e kompanisë iu afrua 1 miliard dollarëshit.
“Liquid Death” pat një raund të ri financimi të hënën, duke e ngritur vlerën në 700 milionë dollarë. Që nga fillimi i saj në 2019, marka ka pasur një rritje shpërthyese falë pjesërisht fansave të saj besnikë, marketingut subversiv dhe paketimit unik që investitori i saj i fundit mendon se mund të jetë “pija joalkoolike me rritje më të shpejtë të të gjitha kohërave”, raporton CNN.
Science Ventures udhëhoqi raundin e fundit prej 70 milionë dollarësh. Liquid Death tha se është në rrugën e duhur për të sjellë 130 milionë dollarë të ardhura këtë vit – gati trefishi i të ardhurave të vitit të kaluar.
“Me këtë vrull, kompania ka filluar të hedhë bazat për rrugën e IPO-së në rast se ka kuptim për biznesin, si dhe të zgjerohet në Evropë,” shkroi investitori Peter Pham në një postim të Medium.
- Advertisement -
“Liquid Death” shitet në kanaçe në dyqanet e njohura (përfshirë Target, 7-Eleven dhe Whole Foods), në internet dhe në koncerte për shkak të një marrëveshjeje që ka me Live Nation.
Pham tha se emri i kompanisë ndihmoi në forcimin e suksesit të saj:
- Advertisement -
“Ashtu si Tesla i çoi drejtuesit drejt automjeteve elektrike më të mira për planetin përmes një produkti dhe marke të shkëlqyer që u bë pjesë e kulturës”, shkroi Pham. “Liquid Death” po i shtyn njerëzit drejt opsioneve më të shëndetshme dhe të qëndrueshme të pijes, jo duke u predikuar atyre, por duke i argëtuar dhe duke i bërë pjesë të diçkaje më të madhe në kulturë.”
Biseda dhe tifozët në internet gjithashtu mund të vlerësohen për rritjen e shpejtë të popullaritetit të saj.
“Shumica e influencerëve të Twitter-it e kanë përcaktuar këtë markë të pijeve joalkoolike si një nga ato me rritjen më të shpejtë dhe kanë vlerësuar strategjinë e saj miqësore me mjedisin, e cila mund të prishë tregun e pijeve joalkoolike,” shkroi Smitarani Tripathy, analist i mediave sociale në GlobalData./Katror.info
Përgatiti:
