Me afër 100 të punësuar, me teknologji moderne, ekspertë dhe me të gjitha standardet e kërkuara ndërkombëtare, “Eurometali” eksporton 96 % të prodhimit në tregjet e ndërkombëtare.
Në një ceremoni të organizuar në Bruksel nga European Society for Quality Research ESQR, kompania “Eurometal ” nga Kosova, me pronar Njazi Musliu, është shpallur fituese e çmimit të më të lartë të këtij asociaconi ndërkombëtar.
Në këtë ceremoni ishin të përfaqësuara 30 shtete dhe 41 kompani të sektoreve dhe profileve të ndryshme.
Mundesh me e lexu edhe…
Ky çmim është edhe një dëshmi se sektori privat në Kosovë po avancon çdo ditë e më shumë dhe përveç kontributit ekonomik dhe social, sektori privat po e promovon më së miri Kosovën në arenën ndërkombëtare, duke e përmirësuar imazhin e saj çdo ditë e më shumë.
Kompania “Eurometal ” është e njohur për kualitetin e konstruksioneve metalike dhe përpunimin e llamarinës.
“EUROMETAL” SH.P.K. është themeluar ne vitin 1997 si ndërmarrje prodhuese e produkteve nga metali. Pronar i kompanisë është z. Njazi Musliu. Që nga fillimi i veprimtarisë kompania është marrë me prodhimin e produkteve nga metali, si ulluqe vertikale/horizontale, mbrojtëse bore, dalje etj. Me vonë, ndërmarrja është zgjeruar dhe ka angazhuar ekipe punese të cilët kanë kryer montimin e materiale të prodhuara.
Kompania ka filluar veprimtarinë me vetëm dy punëtorë, me pretendim të rritjes, ku edhe ajo ka ndodh me hapjen e repartit të prodhimit. Tani ndërmarrja jonë numëron rreth 101 punëtorë me orar të plotë.
Punëtorët janë të ndarë në bazë të hirarkisë të cilën kompania e ka zhvilluar në bazë të nevojave, ku punëtorët janë të shpërndarë nëpër vijat prodhimet, si dhe ekipet e montimit të cilat kryejnë shërbimet në teren. Po ashtu kompania ka stafin e profesionalizuar të inxhinierëve të makinerisë, ndërtimtarisë, dhe arkitekt te diplomuar.
Partnerët kryesor pēr plasimin e konstrukcioneve metalike ” Made in Kosova ” i ka në Zvicer, Gjermani, Austri, Norvegji, Suedi, Slloveni dhe në vende të rajonit, ka njoftuar Safet Gërxhaliu, konsulent i jashtëm në këtë kompani./Katror.info
Përgatiti:
