Me t’u ftohë koha, fillojnë e rikthehen zhigjet për pijet e ushqimet sezonale t’vjeshtës. Bashk me merakun për turrshi, vjen edhe meraku për reçelat e ndryshëm me fruta t’bahçeve e t’katunit, por, edhe delikatesa tjera sikurse asht kompoti me pemë.
Nuk asht e thanë me e ndjekë fije për fije recetën ma t’lehtë për kompotin ma t’mirë me molla, por, kjo që na po ta rekomandojmë me t’vërtetë ka nji super-shije.
HAPI 1:
Merr molla sezonale t’çfardoshme; sa ma t’ndryshme aq ma mirë. Pastroji mirë. Gjysmën e mollave qëroje, kurse gjysmën tjetër mbaje me lëvore. Preji mollat të kubëza mesatarisht t’mëdhaja.
Mundesh me e lexu edhe...
HAPI 2:
Shto erëzat aromatike – N’tenxhere shto pak kripë (sa nji maje gishtash). Shto 2 shkopinjë kanelle (cimeti) e 2 gjethe xhenxhefil. Bashkangjitja masës lëvoren e 1 limoni ose portokalli. Shto ujë dhe sheqer: Për çdo kilogram molla, shto 1 gotë ujë dhe 5 lugë gjelle sheqer. Mundesh me përdorë sheqer t’bardhë, sheqer t’kafët ose mjaltë.
HAPI 3:
Vendose tenxheren me krejt përbërësit n’stufë, n’temperaturë t’mesme. Përzije masën çdo 5 minuta e vendosja kapakun sa herë që nuk e përzinë masën. Kurdo që e sheh që mollat po zbuten edhe po shterron ngadale uji, përzije masën deri sa langu i mollave t’jetë n’konsistencë t’ujit e mjaltës, pra as shumë i langshëm e as shumë i trashë. Krejt kjo procedurë ish dashtë diku 40-50 minuta me zgjatë.
HAPI 4:
Leje kompotin me u ftohë tanësisht e servoje qoftë me akullore, qoftë shfrytëzoje si mbushje për naj kek, ose edhe me ly bukën me to. Shijo! Kurse pjesën e mbetun, ruje n’teglla t’xhamit.
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram: https://www.instagram.com/gurmaneria/
Përgatiti:
