Ministria e Mbrojtjes ka shpallur konkursin për rekrutimin e 60 ushtarëve aktivë në Forcën e Sigurisë së Kosovës (FSK), të dedikuar për kandidatët nga komunitetet joshumicë.
Të drejtë aplikimi kanë të gjithë shtetasit e Republikës së Kosovës nga këto komunitete, të moshës 18 deri në 25 vjeç. Konkursi do të jetë i hapur nga data 22 shtator deri më 21 tetor 2025.
Aplikimi bëhet vetëm online përmes platformës zyrtare: 👉 https://rekrutimi.fsk-rks.org/Apply
Mundesh me e lexu edhe…
Për më shumë informata, kandidatët mund të vizitojnë faqen zyrtare të Ministrisë së Mbrojtjes https://mod.rks-gov.net
ose të kontaktojnë përmes numrave të telefonit: 038-555584 5690 / 038-555584 5691 (nga ora 09:00 – 15:00).
Ministria e Mbrojtjes inkurajon të rinjtë dhe të rejat nga komunitetet joshumicë që të aplikojnë dhe të bëhen pjesë e Forcës së Sigurisë së Kosovës, duke kontribuar në sigurinë dhe të ardhmen e vendit./Katror.info
