Të dielën në sallën e pingpongut në kryeqytet u zhvillua turneu i pingpongut për biznese, ku në një atmosferë shumë sportive garuan 10 biznese kosovare.
Salla e pingpongut në Pallatin e Rinisë dhe Sportit, në Prishtinë të dielën ishte e mbushur me punonjës të bizneseve të fushave të ndryshme, jo për të ndjekur ndonjë konferencë biznesore apo panair vendor, por për të garuar në turneun e pingpongut të organizuar nga Klubi i Pingpongut Priping dhe kompania 11 Points.
Në këtë turne ku ishin paraqitur 10 biznese të industrive të ndryshme si banka, ndërtimtari, gastronomi, IT, media etj., garuan fillimisht në grupe, ku kishte ndeshje shumë interesante dhe deri në momentet e fundit nuk dihej së kush do ta kalonte grupin.
Mundesh me e lexu edhe…
Pas disa orëve ndeshje fituesit e grupeve u garuan mes vete për të siguruar medaljet dhe kupat.
Në finale u ndeshën Kosbit dhe Tive ku ishte një garë me shumë poena atraktiv e në fund me të suksesshëm rezultuan lojtarët nga Kosbit të cilët shënuan fitore të ngushtë me rezultat 3 me 2.
Ndërsa ndeshja për vendin 3-4 u zhvillua mës EvroTarget dhe Babel Caffe të cilët luftonin për çdo poen në fund triumfoi pjësëmarrësi i rregullit i turneut PPBT, Babel Caffe, duke mposhtur me rezultat 3 me 1 EvroTargetin.
Të gjithë fituesit e turneut Ping Pong Business Tournament u shpërblyen me kupa dhe medalje nga organizatorët e turneut.
Pas përfundimit organizatori i turneut Kastrot Orana, njëherit Kryetar i KPP Priping, u shpreh i lumtur me ndeshjet e zhvilluara dhe me ambientin që mbizotroi në sallë gjatë garave.
“Sot në këtë turne të biznesit kemi pa ndeshje shumë atraktive, disa të ngjajshme me garat zyrtare të federatës. Atmosfera shumë e mirë dhe kogja konkurencë mes bizneseve. Ky turne tashmë është ba tradicional dhe çdo vitë do të mbahet në mes të dhjetorit” u shpreh Orana./Katror.info
Përgatiti:
