Kampi zyrtar i futbollit “Barça Academy”, po vjen në Prishtinë dhe do të hapet më 26 maj, e ku pritet të sjellë një eksperiencë unike për fëmijët e apasionuar pas futbollit.
I organizuar në bashkëpunim të ngushtë me Komunën e Prishtinës, ky kamp synon jo vetëm zhvillimin teknik të pjesëmarrësve përmes metodologjisë së njohur të FC Barcelonës, por edhe identifikimin e talenteve të rinj nga Kosova.
Përfaqësuesja zyrtare e Barca Academy per Kosove, Armenda Filipaj, ka shpalosur detajet e këtij kampi në një intervistë për KosovaPress.
Mundesh me e lexu edhe…
Ajo ka thënë se në këtë kamp pritet të marrin pjesë rreth 300 fëmijë dhe se interesimi është i jashtëzakonshëm.
“Ka interesim të jashtëzakonshëm, është kamp zyrtar sepse kampe të tilla ndodhin, organizohen nga klube të ndryshme por ky është kamp zyrtar…Hapja e kampit bëhet më datën 26 maj, në mesditë, pasi që fëmijët ta përfundojnë shkollën vijnë e konfirmojnë regjistrimin dhe i marrin fanellat e brenduara dhe ndahen në grupe. Aty prezantohen edhe trajnerët, hapja bëhet nga kryetari i komunës, pasi që gjithë aktiviteti është në bashkëpunim të ngushtë me Komunën e Prishtinës”, thotë fillimisht Filipaj.
Me një çmim pjesëmarrjeje prej 395 eurosh, kampi garanton një nivel të lartë profesionalizmi, përfshirë trajnerë nga vetë Barcelona dhe staf të kualifikuar vendor. Lojtari më i mirë i kampit do të ketë mundësinë të stërvitet në akademinë prestigjioze “La Masia”. Filipaj gjithashtu ka bërë të ditur se pjesë e kampit do të jetë edhe talenti Belgin Jashari.
Kjo ngjarje përfaqëson një hap të rëndësishëm drejt afirmimit të talenteve të rinj kosovarë në arenën ndërkombëtare të futbollit.
Ndryshe, në edicionin e kaluar, mbi 300 fëmijë morën pjesë në kampin e organizuar në Kosovë, duke dëshmuar për interesin dhe talentin e madh në vend.
Drejtori i kampit, Diego Perreira, kishte theksuar se “Kosova ka shumë talente në futboll; është çështje e zhvillimit të tyre përmes iniciativave si kjo”./KP
Përgatiti:
