Kombëtarja e Kosovës në hendboll ka arritur një sukses historik, duke siguruar kualifikimin për herë të parë në raundin e dytë të kualifikimeve për Kampionatin Botëror.
Në një seri ndeshjesh vendimtare, Kosova regjistroi dy fitore të rëndësishme ndaj Britanisë së Madhe, duke përfunduar me rezultatin 35:30 në takimin e fundit. Këto fitore i japin Kosovës një hap të rëndësishëm përpara në rrugëtimin drejt botërorit.
Federata e Hendbollit të Kosovës ka uruar ekipin për arritjen historike, duke theksuar rëndësinë e saj për sportin kosovar dhe për futjen e Kosovës në skenën ndërkombëtare të hendbollit./Katror.info
