Përfaqësuesja e Kosovës në basketboll do të nisë rrugëtimin drejt FIBA EuroBasket 2029 me përballjet ndaj Shqipërisë dhe Sllovakisë në Rrethin e Parë Parakualifikues, shkruan Katror.info.
Ky është vetëm hapi i parë i një procesi që përfshin gjithsej tre rreth, dhe që Kosova duhet t’i kalojë për të debutuar në edicionin e ardhshëm të FIBA EuroBasket.
Kosova dhe Shqipëria kanë zhvilluar shumë ndeshje miqësore më parë, por kjo do të jetë hera e parë që të përballen në gara zyrtare me seniorë. Ndërkaq, përballjet me Sllovakinë kanë histori më konkrete në kualifikimet për FIBA Kupën e Botës 2023: sllovakët fituan 91:67 në nëntor 2020 në shtëpi dhe 77:73 në shkurt 2021 në Prishtinë.
Mundesh me e lexu edhe…
Në ndeshjet miqësore, Kosova dhe Sllovakia janë ballafaquar katër herë, ku sllovakët kanë shënuar tri fitore, ndërsa Dardanët kanë regjistruar një fitore.
Aktualisht, sipas renditjes së FIBA-së për Evropën, Sllovakia pozicionohet në vendin e 31-të, Kosova e 35-ta, ndërsa Shqipëria e 41-ta, duke parashikuar sfida interesante dhe të forta për skuadrën kosovare./Katror.info.
