Kombëtarja e Kosovës në futboll nis sot përgatitjet për dy ndeshjet e rëndësishme të muajit tetor, që zhvillohen në kuadër të kualifikimeve për Kupën e Botës 2026.
Dardanët do ta mbajnë stërvitjen e parë pasdite në Kampin Nacional në Hajvali, ku përzgjedhësi Franco Foda do të ketë në dispozicion pjesën më të madhe të lojtarëve të ftuar.
Kosova më 10 tetor pret Slloveninë në stadiumin “Fadil Vokrri” në Prishtinë, ndërsa më 13 tetor do të udhëtojë për t’u përballur me Suedinë.
Mundesh me e lexu edhe…
Të dyja ndeshjet konsiderohen vendimtare për synimet e Dardanëve për të mbetur në garë për një vend në Botërorin e ardhshëm.
Para fillimit të stërvitjeve, në orën 12:00, përzgjedhësi Franco Foda do të dalë në konferencë për media, ku do të flasë për gjendjen e skuadrës, pritshmëritë dhe rëndësinë e këtyre dy sfidave./RTK/Katror.info
