Platforma kryesore e punësimit në Kosovë, KosovaJob, shënon 13-vjetorin e themelimit. Me këtë rast, platforma organizoi një mbrëmje më 22 korrik në “Patio” në hapësirat e lagjes “Pejton”, ku u prezantua edhe njëri nga produktet e reja që synon të thjeshtojë dhe përshpejtojë procesin e punësimit për punëkërkuesit dhe punëdhënësit, shkruan Katror.info.
Që nga themelimi, KosovaJob ka qenë një lidhje mes punëkërkuesve dhe punëdhënësve, duke i ndihmuar ata të gjejnë mundësi për zhvillim profesional dhe ndërtim të ekipeve në industri të ndryshme.
Në këtë mbrëmje, përveç festimit të arritjeve, u zbulua edhe një veçori e re e platformës, e cila synon të udhëzojë përdoruesit hap pas hapi drejt mundësive të reja të karrierës apo rekrutimit.
Mundesh me e lexu edhe…
Po ashtu, ngjarja mblodhi bashkëpunëtorë, kompani partnere dhe përfaqësues të industrive të ndryshme, për të reflektuar mbi rrugëtimin e platformës që prej vitit 2012 dhe për të prezantuar një risi që synon ta përmirësojë më tej përvojën e punëkërkuesve dhe punëdhënësve./Katror.info.
