Xhejlane Raça është e lindur në Prishtinë, në kryeqytetin e Kosovës, në një familje me tradita të forta kulturore dhe edukative dhe ka qenë gjithmonë e frymëzuar nga trashëgiminë e pasur shqiptare, përcjell albinfo.at.
Që e vogël ajo u shpërngul në Graz, ku përqafoi një edukim të dyfishtë, duke shkëlqyer në gjuhën shqipe dhe gjermane. Aktivitetet kulturore ishin pjesë e pandashme e fëmijërisë së saj, dhe talenti i saj u dallua që herët.
Pasioni i Xhejlanes për vallëzimin tradicional filloi në moshën 6-vjeçare, nën mentorimin e Profesor Dilaver Kryeziut në Ansamblin Akademik të Universitetit të Prishtinës.
Mundesh me e lexu edhe…
Për Xhejlanen, vallja nuk është thjesht art, por një gjuhë e shpirtit dhe ndjenjave, që ajo e jeton dhe e frymëzon çdo ditë.
Në Graz ajo ka dhënë një kontribut të jashtëzakonshëm për ruajtjen dhe promovimin e kulturës shqiptare, për rreth 20 vjet.
Xhejlane Raça ishte ne grupin e valltarëve të shoqatës “Rinia”, duke u bërë një figurë qendrore në komunitetin shqiptar.
Në vitin 2023 ajo themeloi Ansamblin e Këngëve dhe Valleve “Hyjnesha”, ansamblin e parë dhe të vetëm shqiptar në Austri, i cili numëron sot mbi 70 valltarë nga grupmosha të ndryshme.
Xhejlane Raça ka sjellë një standard të ri në koreografinë shqiptare në diasporë, duke bashkëpunuar sërish me Profesor Dilaver Kryeziun për të sjellë në skenë valle të përpunuara profesionalisht. Ansambli “Hyjnesha” ka planifikuar të përfaqësojë kulturën shqiptare në festivale ndërkombëtare në Kosovë, Shqipëri dhe Maqedoni të Veriut.
Përveç suksesit si artiste e shquar, Xhejlanja është gjithashtu një nënë e përkushtuar ndaj fëmijëve të saj, Ernesit dhe Aronit. Vajza e saj, Erna, tashmë ka ndjekur hapat e nënës, duke u bërë pjesë e ansamblit “Hyjnesha”.
Falë përkushtimit dhe punës së palodhur, Xhejlane Raça është vlerësuar me mirënjohje të shumta për kontributin e saj të jashtëzakonshëm. Ajo mbetet një model frymëzimi dhe një ambasadore e denjë e kulturës shqiptare në diasporë, duke na kujtuar se traditat janë një thesar që duhet ruajtur dhe përcjellë brez pas brezi./albinfo.ch
Përgatiti:
