Nëse t’ka joshë titulli me hy e me pa se për çfarë sanuiçi bahet fjalë, dije që je me fat që ke kliku n’artikull, sepse, ky sanduiç përpos që po tingëllon premtues, definitivisht nuk asht zhgëngjyes.
Pulën e djeshit ruje për sot, ose, ma mirë me thanë: ruje për sanduiçin ma unik me pulë e kastraveca turrshi t’cilin najherë e ke hangër. Mjaftojnë veç 3 hapa që ti këtë sallatë me e pasë t’gatshme e me shiju qoftë me pak bukë ose petë tortille, apo edhe vetë nj’ashtu siç asht.
PËRBËRËSIT:
1 kroasan (i ndarë n’mes)
1 gjoks pule i pjekun ose i zier (i copëzum n’fije)
1/3 selino/celer (i imtësum)
3 kastraveca t’vegjel turrshi (t’copëzume)
1 qepë e re (e imtësume)
2 lugë gjelle kopër t’freskët (t’imtësum)
1/2 qepë e kuqe (e imtësume)
4 lugë gjelle Salcë t’gatshme Cezariane
Kripë e biber t’zi (Opsional)
Mundesh me e lexu edhe…
HAPI 1:
Fillimisht laji dhe preji imët perimet, kurse pulën copëtoje n’fije. Shto përbërësit n’nji enë t’thellë.
HAPI 2:
Shto salcën cezariane, kripën e biberin e përzije masën mirë.
HAPI 3:
Shtoje mixin e përgatitun n’kroasan e krijoje nji super-sanduiç prej saj. Shijo menjiherë ose merre n’punë me vehte. /Katror.info
Përgatiti:
