A ke ra n’hall se çka me marrë me vehte n’punë ose çka me ju përgatitë fëmijëve për shkollë, sepse edhe ushqimi i gatshëm ju asht ba bajat? A je ra n’hall çka me përgatitë që asht sa e shnetshme, po aq e shijshme dhe e lehtë? Mos u merakos, sepse ne e kemi nji super ide se çka mundesh me përgatitë.
Kuti pauze me qiqra t’pjekuna dhe kinoa asht sygjerimi jonë për kando që don me u ushqy mirë, shnetshëm e pa u lodhë shumë n’përgatitje t’shujtave. Andaj, edhe ky sygjerim asht ma i lehtë se e lehta. Këtë e dëshmojnë udhëzimet tona t’maposhtme.
PËRBËRËSIT (4 servime):
200 gr qiqra (t’konservume)
1 lugë e mesme biber i kuq
1 lugë çaji hudhër pluhun
1 lugë çaji kripë
1 lugë çaji oregano
200 gr kinoa (e zier)
100 gr tomatina (t’prera n’mes)
8 lugë gjelle pasuk i kuq (i konservuar)
1 limetë (e prerë n’4 rriska)
4 grushta sallatë t’gjelbër
4 lugë gjelle salcë kosi
4 fije magdanozi
PËRGATITJA:
Fillimisht nxeje furrën n’200 C e pastaj n’nji enë t’thellë shto qiqrat dhe erëzat. Përziji mirë.
Mundesh me e lexu edhe…
HAPI 2:
Vendosi qiqrat n’tepsi e pjeki për 12 minuta. Largje tepsinë prej furrës dhe leji qiqrat me u ftohë.
HAPI 3:
N’ujë me kripë zije kinoan për 5-10 minuta – deri sa uji t’shterret. Largo kinoan, leje me u ftohë e fillo me servu.
HAPI 4:
Shto 1/4 e sasisë me qiqra dhe 1/4 e sasisë t’kinoas n’kutitë e pauzës. Shto n’çdo kuti nga 1 grusht sallatë t’gjelbër, shto nga 50 gr tomatina, nga 2 lugë gjelle pasul t’kuq, nga 1 lugë salcë kosi dhe pak magdanoz e nga 1 rriskë limete. Mbylli kutitë e vendosi n’frigorifer. E nëse je n’disponim këto pjata me i konsumu pak ma ndryshe, lirisht vendose harxhin e kutive n’petë tortille e mbështjelli ato dhe konsumoji n’versionin e maposhtëm.
Ti mundesh t’njejëtën përgatitje me e ba edhe për fëmijët e me ua dhanë për shkollë, ose me përgatitë shujtën e njejtë për 2 ditë rreshtazi (përveç avokados që duhesh me e përgatitë ma vonë se oksidohet) dhe me e rujtë n’frigorifer pa problem. Poashtu, mundesh këtë shujtë me e shoqnu me nga nji supë apo smoothie, që me qëndru i/e ngopun për ma gjatë. N’rast se dëshiron me përgatitë ndonji supë, përgatite supën me kungulleshë dhe parmezan, apo edhe supën virale me domate. Kurse nëse je ma tepër kah anon për smoothie, ne ta rekomandojmë smoothie-n me mango dhe ananas, apo smoothie-n me shegë.
Poashtu, nëse je n’kërkim t’ideve t’tjera për shujta t’shnetshme e t’përshtatshme për pauzë, mos e le pa e provu edhe kutinë e pauzës me ve, rrush dhe gjalpë kikiriku, kutinë e pauzës me ve dhe jogurt frutash, apo edhe kutinë e pauzës me perime dhe sos tzaziki. T’gjitha këto receta janë t’shnetshme, t’lehta me u përgatitë, plot vlera ushqyese e fort t’shijshme. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
