Recetat e lehta e t’shpejta sikurse janë recetat e 4 supave që i patem përzgjedhë kohë ma parë, na ofrojnë mundësi me ba përzgjedhje t’shëndetshme ma shpesh, por edhe ekonomike – meqë maksimalisht po mundohemi me gjetë receta t’lira e t’mira.
Supa me kungulleshë dhe parmezan asht pikërisht nji prej recetave t’lira e t’mira t’cilat mundesh me i përgatitëi shiju përgjatë javës. N’daç e ushqyeshme, n’daç e shijshme dhe e lirë – kjo supë t’i ofron t’tana t’mirat me ni pjatë
PËRBËRËSIT:
1 lugë gjelle vaj ullini
3 kungullesha (t’prera n’copëza)
1 qepë (e imtësume)
2 thelpinj hudhre (t’prera)
1 gotë pasul i bardhë (i konservuar)
3-5 degë trumzë
350 ml supë (1 kubëz vegjetariane me 350 ml ujë t’vluar)
1/2 gotë parmezan (i grirë)
Kripë dhe biber i zi (Opsionale)
HAPI 1:
N’tenxhere t’nxehtë shto vajin e ullinit. Kavërdise qepën për 5 minuta.
HAPI 2:
Shto t’gjithë përbërësit n’tenxhere bashk me sup9n e përgatitun me kubin e supès. Shto edhe pasulin e kulluar. Zije masën për 20-25 minuta.
HAPI 3:
Shto t’gjithë përbërësit n’blender dhe bluji deri sa t’krijohet nji masë e njitrajtshme.
HAPI 4:
Pasi t’jetë blu supa mirë, shtoja parmezanin masës, bluje bashk dhe servo. Po deshe për dekorim, pjeki disa rriska kungulleshë n’furrë, shto pak erëza dhe parmezan sipër secilës pjatë.
REZULTATI:
Servoje supën me pak bukë t’rreshkun ose me keksa t’njelbët. Nëse don me marrë supën t’nesërmen n’punë, vendose n’tegëll ose n’shishe t’xhamit e ruje n’frigorifer. Shkunde tegllën / shishen para se me servu supën dhe lirisht nxeje n’mikrovalë. Nëse supa ruhet n’frigorifer n’enë t’xhamit qëndron për 3-4 ditë e mirë. Pra, mundesh me përgatitë ma shumë e me pi sa herë t’kesh qejf këtë super-supë e me u kënaqë krejt.
E nëse ke interesim me mësu edhe ndonji recetë t’re t’supave me plot shije, ne ta rekomandojmë supën me speca t’kuq – supë kjo që nuk besojmë ta kesh provu deri më tash, supën “virale” me domate, apo supën me bizele. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
