Tashmë është bërë traditë që pasditet e nxehta të verës në Elbasan të mbushen plot aktivitete argëtuese për fëmijë.
Bashkia e Elbasanit në bashkëpunim me Këshillin Rinor, kopshtet e shkollat ka hartuar një axhendë e cila synon të argëtojë vogëlushët gjatë pushimeve duke u dhuruar kohë cilësore.
Kjo pasdite ju kushtua librit dhe ishin të shumtë fëmijët që ju gëzuan historive të bukura.
Shkrimtarja e mirënjohur Natasha Poroçani për Top Channel vlerësoi zhvillimin e këtyre aktiviteteve për të nxitur dëshirën për leximin, për të mbajtur fëmijët larg telefonit dhe për zhvilluar botën e tyre të bukur imagjinare.
Sfida më e madhe e çdo familje gjatë verës mbetet argëtimi i më të vegjëlve të cilët në shumicën e rasteve qëndrojnë të mbyllur në shtëpi pranë smartfonëve. Kampet Verore vijojnë të jenë me çmime të larta, ndaj aktivitete të tilla janë parë mjaft efikase për zhvillimin dhe argëtimin e fëmijëve./Katror.info
