Xhudistja Laura Fazliu e ka vlerësuar të madhe medaljen e bronztë të fituar në debutim në Lojërat Olimpike që po mbahen në Paris.
Ani pse e ngarkuar për shkak të peshës dhe rëndësisë së lojërave, këtë fitore ajo ia dedikon gjithë Kosovës.
“Gjithë kjo sakrificë, gjithë ky mund të shpërblehet mendoj se ia vlejti dhe është diçka e madhe. Medaljen ia dedikoj gjithë Kosovës, familjes, klubit, Majlindës dhe meritorit kryesor Tonit. Nuk do ta kisha këtë medalje po të mos ishte ai. Ai më ka marrë në moshën 14-vjeçare dhe më ka rritur si sportiste. Shyqyr që kjo ka përfunduar mirë”, ka thënë ajo për KOHËN.
Mundesh me e lexu edhe…
“E di që kam mundur edhe më shumë. Sot kam qenë më shumë e ngarkuar, më shumë se që duhet dhe ajo më ka penalizuar në disa momente. Por medalja olimpike është medalje olimpike dhe jam e lumtur”, ka thënë Fazliu.
Ndërsa ka shtuar se që nga tash ka pikësynim Olimpiadën e ardhshme pas katër vjetësh.
“Shyqyr që kjo përfundoi mirë, na mbetet të punojmë për të ardhmen dhe të shohim pas katër vjetësh në Olimpiadën e ardhshme”, ka thënë Fazliu. /Katror.info
Përgatiti:
