Klubi gjerman, Bayer Leverkusen ka refuzuar ofertën prej 8 milionë eurosh nga klubi saudit Neom SC për mesfushorin Granit Xhaka, raporton “Sport Bild”.
Megjithatë, negociatat mes dy klubeve ende janë në vazhdim dhe burime të afërta me situatën nuk përjashtojnë që marrëveshja të konkretizohet së shpejti.
Neom i ka ofruar 32-vjeçarit një pagë shumë të lartë, ndërsa në kampin gjerman po rritet gatishmëria për ta lënë të lirë reprezentuesin shqiptar të Zvicrës, i cili sezonin e kaluar ishte ndër liderët e padiskutueshëm të skuadrës.
Mundesh me e lexu edhe…
Sipas “Kicker”, drejtuesit e Leverkusenit besojnë se mungesa e Xhakës mund të kompensohet nga Aleix Garcia dhe Robert Andric, të cilët pritet të marrin më shumë përgjegjësi në mesin e fushës.
Ndërkohë që oferta fillestare ishte 8 milionë euro, Leverkuseni tani kërkon plot 20 milionë euro për të lënë të lirë kapitenin e Zvicrës, shumë më tepër se vlerësimet e mëparshme që sugjeronin një shifër mes 8 dhe 15 milionë euro.
Megjithatë, për një klub si Neom, një marrëveshje e tillë nuk shihet si pengesë financiare.
Ndryshe, Xhaka është i lidhur edhe me rikthimin në Angli, ku ish-futbollisti i Arsenalit, kërkohet nga Sunderlandi, një tjetër skuadër e njohur angleze./RTK/Katror.info
