Jemi në kohën e shpalosjes se llajnapave të festivaleve left & right, po informohemi për organizimin e plot ekspozitave e koncerteve, me plot artista që dojnë me na inspiru këtë pranverë e verë.
Por këtë javë, për krejt ata që kanë plan me u flladit nëpër riga të shiut, çadrën merreni me veti edhe boni event-hopping me top listën tonë.
Java e Frankofonisë po sjell disa ngjarje magnifique: Prej Korit dhe Ansamblit të Filharmonisë së Kosovës në Rahovec e Prishtinë me mysafirë nga Franca, deri te lexim përrallash me Krystel Suire, graffiti star zvicëran.
Mundesh me e lexu edhe…
Mundeni me shku në një super premierë “Streha e nemun”në Teatrin e Kosovës. Në audio barin Servis Fantazia të Prishtinë e keni një event live, që po duket a must. Me rikujtu pak historinë, mos e leni pa u ndalë në Hani i 2 Robertëve, ku Kosovo2.0 na fton me i kujtu të 90tat me rrëfime dhe muzikë, me shënu edhe 26 vjetorin e intervenimit të NATO-s. Që jeni për me lexu e diskutu e keni eventin Klubi i librave American Corner / Biblioteka Kombëtare, Prishtinë ku diskutohet autori Harper Lee.
E mu vesh BE YOUNIQUE osht super vintage store për veshje unike, e me qato tesha ju ftojmë me ardh në Bubble, me dëgju muzikë të perzgjedhun nga unë, Arlinda! Hahaha. Një zog na ka tregu që ka me pasë plot musafirë skandinavë të cilët kanë edhe një surprize event gjatë javës dikund në Prishtinë (ju tregojmë ma vonë kush, qysh e tek). E për me përmbyll muajin e gruas with style, ju ftojmë me e lexu stripin “Unë jam Maria Callas” e autorës Vanna Vinci, përkthyer shqip nga Botimet Dudaj.
Me dëgju: Koncerte nga Kori dhe Ansambli i Filharmonisë së Kosovës / Rahovec dhe Prishtinë
Këtë javë i kemi disa koncerte nga Filharmonia e Kosovës: maspari, Kori i dhe Ansambli i Filharmonisë së Kosovës janë në Rahovec më 26 mars 2025, nga ora 19:30, në Hollin e Institucionit të Arsimit dhe Aftësimit Profesional “Selajdin Mullaabazi – Mici”; ndërsa me 28 mars, Filharmonia e Kosovës i bashkohet botës muzikore në shënimin e 150-vjetorit të lindjes së kompozitorit të madh francez, Maurice Ravel. Ky koncert organizohet bashk me Institutin Francez në Prishtinë, nën drejtimin e mjeshtrit Marco Crispo dhe me pjesëmarrjen e solistëve Liza Kerob (violinë) dhe Altin Tafilaj (violë). Koncerti fillon në orën 19:30 në Atelienë e Pallatit të Rinisë dhe Sporteve në Prishtinë.
Me kcy: Dance, Repeat, Live / Servis Fantazia, Prishtinë
Këtë të mërkurë, më 26 mars, nga ora 21:00 e keni sesion “Dance, Repeat, Live” te audio barin tonë të preferum Servis Fantazia. Ngjarja osht e mbushun me loop machines, spontanitet dhe super argëtim, me mysafirë Alessio & Ted Ginsburger, që ju sjellin një përzierje lozonjare të shpirtit rock’n’roll dhe energjisë së një nate në klub. Ka me pasë covera të kangëve të famshme, groove dhe vajb t’mirë me ju shti me kcy në mini-kllabin fantastik.
Me kcy: Pak muzikë nga Arlinda / Bubble, Prishtinë
Eeeeh, qitu ju pritëm! Bubble Pub e ka dedikum krejt mujin DJ-eve dhe performuese gra dhe këtë javë me 28 mars ko me lshu muzikë edhe unë, Arlinda e Suzanne Podcast :))) Muzika ka me qenë supersonike e soul romantike :), shoqnia eklektike, atmosfera magnetike, kështu që dokuni! S’pe zgasim ma shumë.
Me pa: Premierë teatri “Streha e nemun” / Teatri Kombëtar, Prishtinë
Teatri Kombëtar po vjen me premierën “Streha e nemun”, një tragjikomedi me regji të Ilir Bokshit, bazume në dramën “Liza në Maj” (Liselotte és a május) nga dramaturgu hungarez Zsolt Pozsgai. Rrëfimi prekës dhe i hidhun, ndjek jetën e një gruje të vetmuar që kërkon dashuri dhe shpresë në marrëdhënie të dështume. Me humor dhe ndjenjë të thellë, vepra eksploron vetminë, pritshmëritë dhe nevojën njerëzore për lidhje. Aktorë janë: Albulena Kryeziu Bokshi, Ledion Zoi dhe Adrian Morina, ndërsa premiera osht me 25 mars, ora 20:00.
Me lexu përralla: “Fairy tale reading with Krystel Suire” / Institut Français du Kosovo, Prishtinë
Krystel Suire osht një artiste e arteve urbane që jeton dikah në mes Prishtinës, Tiranës dhe Zvicrës. I kemi pa disa grafite të saja rrugëve të Prishtinës e poashtu edhe në Pristina Observatory e plot vende tjera. Me rastin e Javës së Frankofonisë, Krystel po ju fton për një lexim përrallash, organizume prej Institut Français (rruga Sejdi Kryeziu, Pejton). Ngjarja osht më 28 mars 2025, prej orës 14:00 – 15:00 Mos e hupni këtë ngjarje të bukur për frankofonët dhe mësuesit e frëngjishtes, të çfarëdo moshe qofshi! Hyrja osht falas dhe kjo javë kulturore organizohet në bashkëpunim me Ambasadën e Francës, Ambasadën e Belgjikës, Ambasadën e Luksemburgut dhe Ambasadën e Kanadasë në Kosovë.
Me rikujtu & dëgju: “Të 90-at copë-copë” / Hani i 2 Robertëve
Javët e kalume, portali Kosovo 2.0 ka botu një seri pesë-pjesëshe për të ‘90-at në Kosovë. Për mos me lonë me kaq, të hanën më 24 mars (pra sot!), kur Kosova shënon 26-vjetorin e nisjes së fushatës së bombardimeve të NATO-s, K2.0 ju fton mi rikujtu këto kohna tu u kthy te Hani i 2 Robertëve, që ishte hapësirë e rezistencës dhe krijimtarisë gjatë viteve ‘90. Tu fillu prej orës 19:00, bashkë me organizatën joqeveritare INTEGRA, disa autorë/e të K2.0 kanë me i lexu disa pjesë të shkrimeve të tyne mbi të ‘90-at. Në fund, mbramja shoqnohet me muzikë, normalisht edhe prej të ‘90-ave, të përzgjedhun prej Alushi dhe Dritëro.
Me lexu & diskutu: Klubi i librave American Corner / Biblioteka Kombëtare, Prishtinë
Hej dashamirë të librave! N’takimin e rradhës t’Klubit t’Librave, po lexohet dhe komentohet libri i famshëm “Me vra një zog tallës” (“To Kill a Mockingbird”) prej Harper Lee. Organizatorët ju ftojnë me lexu dhe me qenë pjesë e diskutimit! Do të bisedohet për temat kryesore e personazhet që e bojnë këtë histori kaq t’paharrueshëm. Takimi mbahet më 26 mars 2025, prej orës 14:00 – 15:00, në format hibrid (mundesh me u bashku live ose online), me moderimin e fullbrajtistes Abigail Furman. Atmosferë dhe diskutim miqësor – krejt jon t’mirëpritun veq regjistrohuni maspari këtu.
Mu vesh: “Be Younique” vintage shop / Prishtinë
Ata që e pëcjellin Suzanne dhe Monday Marks, e dijnë sa i kemi qef vintage shops të teshave me histori të dashnisë nga pronarë të mëparshëm. E në Prishtinë osht një shitore me emnin Be Younique, që përnime përthekon edhe “BE” edhe “YOU” edhe “UNIQUE” qysh e ka edhe emnin. Ka sene vintage, por edhe prodhime nga studio e vet e dizajnit, krejt te kurume me super stil. Ka sene të rrugës, sene pak ma luksoze, bizhuteri, çanta, gjithçka për gjithkon!
Me lexu: Stripi “Unë jam Maria Callas” / Botimet Dudaj
Ndoshta e keni pa muajt e fundit filmin “Maria”, për sopranon e famshme Maria Callas, me Angelina Jolie. Eh, na po e rekomandojmë stripin, apo novelën grafike “Unë jam Maria Callas” nga autorja italiane Vanna Vinci. Maria Callas ishte një nga sopranot ma të mëdha të shekullit XX, e njohun për zanin e saj unik, interpretimet dramatike dhe karizmën e jashtëzakonshme skenike, tu interpretu role të paharrueshme në vepra si Norma, Tosca dhe La Traviata. Edhe jetën personale e ka pasë të bujshme edhe inspiruese. Stripi, të cilin e gjeni në librarinë Dukagjini, nëpërmjet figurave dhe fjalëve të autores, Callasin e transformon në një personazh të tragjedisë greke (skema e së cilës është rikrijume në këtë libër) dhe, në të njëjtën kohë, edhe një super yll të muzikës botnore.
Marrë nga Suzanne Podcasts./Katror.info
Përgatiti:
