Mijëra njerëz janë mbledhur sot në sheshin e Shën Pjetrit në Vatikan për t’i dhënë lamtumirën Papa Françeskut, i cili ndërroi jetë më 21 prill 2025, në moshën 88-vjeçare, pas një sëmundjeje të gjatë që përfshinte komplikime kardiake, shkruan Katror.info.
Ceremonia mortore ka filluar në orët e para të mëngjesit, në një atmosferë solemne dhe përplot emocione. Trupi i Atit të Shenjtë do të varroset në Bazilikën e Shën Marisë së Madhe, në Romë, pranë Kapelës Pauline, një vend që ai e kishte shumë për zemër gjatë jetës së tij.
Në funeral po marrin pjesë mbi 50 liderë botërorë, përfshirë presidenten e Kosovës, Vjosa Osmani, kryeministrin në detyrë të Kosovës, Albin Kurti, si dhe presidentin e Shqipërisë, Bajram Begaj. Pjesëmarrja e gjerë e udhëheqësve ndërkombëtarë reflekton ndikimin e jashtëzakonshëm që Papa Françesku pati jo vetëm mbi Kishën Katolike, por edhe në skenën globale, si një zë i fuqishëm për paqen, drejtësinë dhe të varfërit.
Mundesh me e lexu edhe…
Papa Françesku, emri i lindjes i të cilit ishte Jorge Mario Bergoglio, u bë Papa i 266-të i Kishës Katolike në vitin 2013 dhe do të mbahet mend për përkushtimin e tij ndaj reformave, thjeshtësisë dhe ndërtimit të urave mes komuniteteve të ndryshme fetare dhe kulturore./Katror.info
Përgatiti:
