Po risjellim në kujtesë, zonjën Lillian Weber e cila njihej për qepjen e fustaneve, të cilët kryesisht i dhuronte për organizatën ”Little Dresses for Africa”. Që prej atëher, ajo ka mbetur si një nga shembujt e humanizmit se si një grua në moshë tejet të shtyrë, ka vullnetin të punojë për kauza bamirësie.
Ajo dhuroi mbi 1 mijë fustane para ditëlindjes së saj të 100-të.
Në vitin 2020 emri i saj u bë kryefjalë pasi përfundoi qepjen e fustanit të saj të 1000-të për t’ia dhuruar ‘Little Dresses for Africa’. Organizata, e themeluar nga Rachel O’Neill në vitin 2008, ka dërguar miliona fustane në 50 vende në Afrikë dhe kontinente të tjera në nevojë, përcjell Katror.info.
Veshjet shkojnë në jetimore, kisha dhe fshatra dhe luajnë një rol të rëndësishëm në mbajtjen e grave të sigurta dhe të lumtura. “Jetët shpëtohen me të vërtetë për shkak të këtyre fustaneve. Kur një vajzë e vogël vesh një fustan të ri, ka shumë më pak gjasa që të ngatërrohet, sepse dikush e di se po kujdeset për të,” tha O’Neill.
Zonja Lillian, e cila ka qepur për më shumë se 90 vjet, dëgjoi për organizatën Little Dresses në vitin 2011 dhe synoi të qepte 1000 fustane para se të mbushte 100 vjeç.
Ajo mesatarisht qepte një fustan në ditë. Zonja Lillian jo vetëm që i bën fustanet, por e personalizon secilin, në mënyrë që vajzat e vogla që marrin fustanet të ndihen të veçanta dhe të dashura. Jo vetëm që ia doli qëllimit, por ia kaloi!
Për ditëlindjen e saj të 100-të, Lillian përfundoi qepjen e fustanit të saj të 1051-të. Ajo tha se misioni i qepjes i jep asaj diçka për të bërë dhe e mban jashtë një shtëpie pleqsh.
“Nuk ka kufi moshe për këtë. Dikush që është 100 vjeç ende e nxjerr këtë cilësi me një mesazh kaq pozitiv dhe frymëzues, ka qenë thjesht i mrekullueshëm,” tha O’Neill.
Lillian mbetet një model inspirues për shumë njerëz, derisa në një intervistë për NBC News thekson se ka hequr dorë edhe nga të shikuarit televizor për t’ju përkushtuar qepjes, pasi sipas saj një buzëqeshje e vajzave në nevojë vlenë më shumë. /Katror.info
Klikoni këtu për të parë videon!
Përgatiti:
