Qyteti i Prizrenit ishte këtë vit mikpritës i edicionit të 20-të të Festivalit të Automjeteve Klasike “Oldtimer”. Në këtë ngjarje me karakter ndërkombëtar morën pjesë mbi 80 automjete klasike nga vende të ndryshme të Evropës.
Automjetet u ekspozuan në sheshin historik të Shadërvanit, ku vizitorët patën mundësinë të bëjnë një udhëtim në kohë. Automjetet e prodhuara ndërmjet viteve 1929 dhe 1985 tërhoqën vëmendjen e madhe të publikut, i cili pati rastin t’i shikojë ato nga afër.
Ndër automjetet e ekspozuara, u veçuan edhe vetura që i përkiste aktorit të njohur të Hollivudit me origjinë nga Kosova, Bekim Fehmiu, si dhe automjetet zyrtare që dikur u përkisnin udhëheqësve shtetërorë të Shqipërisë.
Mundesh me e lexu edhe…
Drejtori i festivalit, Ehat Oreshka, theksoi se ky aktivitet është bërë tashmë tradicional, duke shtuar: “Me këto automjete klasike organizojmë një ekspozitë të hapur dhe qytetarët kanë mundësinë të shohin nga afër veturat e prodhuara nga viti 1929 deri në vitin 1985.”
Kjo ngjarje e gjallë në Prizren bashkoi entuziastët e automjeteve dhe turistët që vizituan qytetin./Katror.info
