Në tre muajt e fundit të vitit të kaluar janë raportuar pasuri të konfiskuara në shumën mbi 200 mijë euro. Ndërkaq, vlera e pasurive të sekuestruara për tetor-dhjetor është mbi 3.7 milionë në 51 raste. Kështu u tha se mbledhjen e Këshillit Prokurorial të Kosovës, raporton KosovaPress.
Kryesuesi i Koordinatorit Kombëtar për Luftimin e Krimit Ekonomik, Shqipdon Fazliu ka shpalosur raportin tremujor tetor-dhjetor të vitit të kaluar.
“Në tre mujorin e fundit janë raportuar pasuri të konfiskuara në shumën prej 207 mijë euro, në shtatë raste, ndërsa vlera e sekuestrimeve për këtë tre mujor e kap vlerën e mbi 3.7 milion euro pasuri të sekuestruara apo në 51 raste të ndryshme. Kjo është një veçori pozitive, meqë ka pasur raste edhe me konfiskim edhe me me sekuestrim. Ndërsa, një aspekt tjetër pozitiv për tre mujorin e fundit të vitit 2024 ka qenë vazhdimi i përgjigjeve pozitive në kërkesat për shitjen e aseteve, ku në tre mujorin e fundit janë paraqitur 28 kërkesa”, tha ai, raporton KosovaPress.
Mundesh me e lexu edhe…
Tutje, ai theksoi se nga ana e Prokurorisë Speciale janë paraqitur katër kërkesa për shitje të aseteve. Megjithatë, theksoi se ka dështim të funksioneve prokuroriale, meqë sipas tij ka prokurorë që nuk bëjnë kërkesa për shitje të aseteve.
Siç raporton KosovaPress, Këshilli Prokurorial i Kosovës miratoi të hënën rregulloren për themelimin dhe funksionimin e ekipeve të përbashkëta të hetimit. Po ashtu, u miratua edhe rregullorja për veprimtarinë, organizimin e brendshëm dhe sistematizimin e administratës së KPK-së./Katror.info
Përgatiti:
