Meg Ryan, një nga mbretëreshat e komedive romantike, e cila u bë e famshme për rolet e saj në filmat “When Harry Met Sally” dhe “You’ve Got Mail”, i rikthehet zhanrit që e bëri atë yll për herë të parë në më shumë se 20 vjet.
Prej vitesh aktorja nuk shfaqet në role të reja dhe këtë herë ajo është edhe skenariste dhe regjisore e filmit “Çfarë ndodh më vonë”.
Meg luan Willa, e cila përfundon e bllokuar në aeroport në mes të një stuhie dëbore. Aty, pas shumë vitesh, ajo takohet me dashurin e saj të dikurshëm, të cilin do ta luajë David Duchovny (63), dhe duke qenë se fluturimet janë shtyrë për një kohë të pacaktuar, ajo do të ketë mundësinë të kompensojë atë që ka humbur.
Mundesh me e lexu edhe…
Përveç rolit kryesor, Ryan ka punuar edhe si regjisore në film dhe ka ndihmuar në shkrimin e skenarit. Komedia e fundit romantike në të cilën ajo u shfaq ishte “Kate & Leopold” e vitit 2001, pas së cilës vendosi të sprovohet në zhanre të tjera.
Ky vendim nuk doli të ishte më i zgjuari, sepse filmat që ajo realizoi mezi i kalonin 10 milionë dollarë të ardhura. Filmat jo vetëm që nuk u pritën mirë nga audienca, por u urryen edhe nga kritikët.
Ndërkohë, aktore si Reese Witherspoon, Jennifer Aniston, Julia Roberts apo Sandra Bullock janë profilizuar edhe si mjeshtre të komedisë.
Në fillim të viteve 2000, qarkulluan thashetheme se Meg Ryan kishte tradhtuar Dennis Quaid (me të cilin ishte martuar për nëntë vjet) me Russell Crowe, me të cilin luajti në filmin “Proof of Life” (2000). Ajo nuk foli për këtë në atë kohë, gjë që i dëmtoi reputacionin e saj, duke pasur parasysh se një aferë nuk ishte diçka që do ta bënte një e adhuruar e amerikanëve.
Por në vitin 2008, ajo më në fund shpjegoi situatën. “Ajo që nuk ishte në histori ishte realiteti i martesës sime”, tha ajo për InStyle. “Dennis nuk ishte besnik ndaj meje për një kohë të gjatë dhe ishte shumë e dhimbshme”.
Çifti u nda dhe për Meg Ryan ishte një tjetër goditje në karrierë, por një ngjarje çliruese në nivel personal. “Nuk duhet të më interesonte se çfarë mendonin njerëzit,” kujton ajo. “Unë mund të bëja atë që doja fshehurazi. Mund të jetoja plotësisht nën radar.”
Me kalimin e viteve, pamja e Meg Ryan ka ndryshuar ndjeshëm dhe në industri qarkullojnë thashetheme se ajo ka bërë disa operacione estetike dhe disa besojnë se kjo i ka dëmtuar edhe karrierën.
James Mangold, regjisori i filmit “Kate dhe Leopold”, zbuloi se disa nga kolegët e tij nuk duan të punësojnë më Meg sepse “ajo nuk ishte aktorja që publiku dikur ra në dashuri”./Katror.info
Përgatiti:
