Reliket dhe artikujt e ndryshëm dikur pronë e personave të famshëm shpesh shiten për qindra mijëra dhe madje miliona dollarë në ankand, por këtë javë një person me fat do të ketë mundësinë të blejë një makinë të shtrenjtë të drejtuar dikur nga Michael Jordan për vetëm 23 dollarë, një shumë simbolike për nder të numrit në fanellën e tij.
Një nga xhevahiret më të famshme në koleksionin e tij ishte një Mercedes-Benz S600 Lorinser i vitit 1996, të cilin ai e shiti disa vite më parë dhe u vlerësua në 120,000 dollarë.
Pas ca kohësh, pronari i ri u përpoq ta rishiste, e nxori në ankand për 100,000 dhe mori një ofertë deri në 202,000 dollarë, por më vonë doli që ofertuesi nuk kishte para për ta paguar dhe marrëveshja dështoi, shkruan Katror.info.
Tani pronari e ka nxjerrë sërish në shitje, por jo në ankand ku do të arrinte sërish gjashtë shifra, por fjalë për fjalë për vetëm 23 dollarë.
Të interesuarit, shkruajnë mediat amerikane, mund të regjistrohen në aplikacion, ku fituesi i së drejtës për të marrë këtë pjesë të historisë sportive do të zgjidhet me short për një vlerë të shpenzimeve ditore në dyqan./Katror.info
Përgatiti:
