Lionel Messi e ka quajtur Anglinë si një nga favoritët e tij për ta fituar Kupën e Botës në Katar – por ai gjithashtu është i etur për ta fituar vetë.
Anësori 35-vjeçar përmendi tre skuadra që ai beson se janë në gjendje të fitojnë Kupën e Botës, shkruan Goal.
Messi, i cili do të luajë për herë të pestë në Kupën e Botës me Argjentinën, i jep Anglisë, Brazilit dhe Francës një shans më të mirë se pjesa tjetër e ekipeve pjesëmarrëse.
Mundesh me e lexu edhe…
Ai komentoi gjithashtu gjendjen shpirtërore brenda kampit të Argjentinës teksa ata kërkojnë triumfin e tyre të parë në Kupën e Botës që nga viti 1986.
“Sa herë që flasim për kandidatët, ne gjithmonë flasim për të njëjtat ekipe. Nëse më duhet të vendos disa mbi të tjerët, mendoj se Brazili, Franca dhe Anglia janë pak më lart se pjesa tjetër. Por Kupa e Botës është aq e vështirë dhe aq e ndërlikuar sa çdo gjë mund të ndodhë”.
“Ne jemi shumë të emocionuar. Kemi një grup shumë të bukur që është shumë i etur, por ne mendojmë të shkojmë pak nga pak”.
Argjentina do të dëshirojë të shkojë më mirë se në 2014-ën, vit në të cilin humbi në finalen e Kupës së Botës nga Gjermania falë një goli të Mario Gotzes në kohën shtesë.
Argjentina është e pamposhtur në 35 ndeshje në të gjitha garat, humbjen e fundit e ka më 3 korrik 2019, në gjysmëfinalen e Kupës së Amerikës të atij viti kundër Brazilit.
Ata janë vetëm tre ndeshje larg nga mposhtja e rekordit të të gjitha kohërave të Italisë prej 37 ndeshjesh pa humbje.
Lojtari i PSG-së do ta dijë se kjo ka të ngjarë të jetë hera e tij e fundit për të fituar trofeun që i mungon kabinetit të tij të shquar.
Vëmendja e tij e plotë do të jetë në ndihmën e Argjentinës që ta fillojë sa më mirë kur të përballet me Arabinë Saudite në ndeshjen e tyre hapëse më 22 nëntor./Katror.info
Përgatiti:
