Kastriot Xhon Marku, mësues muzike, artist dhe instrumentist shqiptar i ardhur nga Prizreni i Kosovës, ishte një nga drejtuesit e performancës së artistëve të vegjël në manifestimin artistik të 24 prillit 2023 në Londër, shkruan Diaspora Shqiptare.
Në një postim në Facebook, ai është shprehur i lumtur që pas më shumë se 30 vjetësh përvojë, iu dha mundësia që të ishte i pranishëm në skenën prestigjioze “Royal Albert Hall” në Londër.
Bëhet fjalë për koncertin madhështor i cili u organizua në Londër, në një nga skenat më të njohura të artit londinez, në “Royal Albert Hall” ku morën pjesë më shumë se 2000 pjesëmarrës, fëmijë të moshave të ndryshme, të talentuar, në interpretime të ndryshme artistike (vegla muzikore apo kanto) nën drejtimin e profesorëve të shkollave të ndryshme në Londër, dhe mes tyre edhe të profesorit Kastriot Xhon Marku. .
Mundesh me e lexu edhe…
Organizimi i këtij aktiviteti jashtëzakonisht të madh u prit me entuziazëm dhe pjesëmarrje të gjerë nga publiku anglez dhe nga të gjitha komunitetet e integruara në Mbretërinë e Bashkuar.
Mbështetja dhe besimi kryesor, për realizimin e këtij eventi unik, erdhi kryesisht nga “Camden Music Service” i quajtur edhe Festivali i Muzikës Camden.
“Arti dhe sporti janë mundësitë më të mira të edukimit jo vetëm pasional dhe kulturor por edhe diapazonal të një fëmijë pasi i japin okazionin shprehës për ta investuar kohën në sfidë dhe për t’u bërë konfident me publikun artëdashës në rastin e këtij koncerti,“ shprehet profesor Kastriot Xhon Marku. /Katror.info
Përgatiti:
