Qyteti piktoresk i Esslingen (Esslingen am Neckar) ndodhet në jug të Gjermanisë, jo shumë larg Shtutgartit. Siç sugjeron edhe emri i tijj, ai u zhvillua në brigjet e lumit Neckar, ku u ndërtuan shtëpi interesante që përfaqësojnë një atraksion të vërtetë turistik. Esslingen është një nga qytetet me shtëpitë më të vjetra të këtij lloji në të gjithë Gjermaninë.
Esslingen u ruajt pothuajse plotësisht gjatë Luftës së Dytë Botërore, kështu që arkitektura interesante mesjetare mbeti e paprekur. “Shtëpitë e skeletit”, siç quhen, janë ndërtuar në atë mënyrë që kornizat prej druri, pra armatura, të shihen nga jashtë mureve. Autentike dhe interesante, këto shtëpi janë një kënaqësi e vërtetë turistike. Shtëpia më e vjetër është ndërtuar në vitin 1262.
Sheshi më i famshëm në qytet është sheshi Marktplac, ku shtëpitë shumëngjyrëshe thjesht ju ftojnë t’i takoni. Ky shesh i qytetit mbrohet nga njëra anë nga kodra të gjelbra, dhe nga ana tjetër është një kishë protestante me kulla interesante të lidhura me një urë. Kjo kishë dominon panoramën e qytetit. Përveç kësaj, i gjithë qyteti është i mbushur me kanale, kështu që quhet mini Venecia për një arsye. Ky qytet mund të arrihet shpejt dhe lehtë nga të gjitha drejtimet, ndaj do të ishte mëkat të mos e vizitoni dhe ta njihni nëse e gjeni veten në Gjermani. Nëse deri më tani ka arritur të ruajë pamjen dhe sharmin e tij, kjo vetëm sa e vërteton vlerën e qytetit, ndaj ia vlen ta vizitoni. /Katror.info
Mundesh me e lexu edhe…
Përgatiti:
