Në prag të edicionit të sivjetëm të Festivalit të Këngës në RTK, Sekretari i Përgjithshëm i Ministrisë së Kulturës, Rinisë dhe Sportit, Bislim Bislimi, vizitoi sot punimet finale të skenografisë në Pallatin e Rinisë dhe Sporteve.
Gjatë vizitës, Bislimi vlerësoi përgatitjet intensive që po bëhen për këtë festival, i cili, sipas tij, sjell risi dhe një nivel të lartë artistik. Ky edicion rikthen fuqishëm platformën e prezantimit të talenteve të muzikës shqiptare, duke nxjerrë në pah vlerat tona kulturore që bashkojnë komunitetin.
Ministria e Kulturës, Rinisë dhe Sportit mbetet e përkushtuar në mbështetjen e aktiviteteve që promovojnë artin dhe kulturën, duke siguruar që festivale të tilla të vazhdojnë të jenë një mundësi për zhvillimin e artistëve të rinj dhe afirmimin e traditës muzikore shqiptare./Katror.info
