Imagjino me qenë në gjendje me bo pazar shpejtë ose me ecë me qenin tënd aq shpejtë, sikur në shkalla lëvizëse.
Kompania amerikane, ‘Shift Robotics’, ka shpikur një pajisje të projektuar për t’u lidhur në këpucët tuaja për të rritur shpejtësinë tuaj të ecjes me deri në 250 përqind.
Me këto këpucë ti mund të ecësh deri në 11 km/h, rreth tre herë më shpejt se ç’do të ecje normalisht.
Falë algoritmeve të makinës, këpucët lëvizin vetëm kur ju lëvizni: ato ndalen kur ju dëshironi, mund të ndalen nëse dëshiron me shku lart ose poshtë shkallëve, dhe automatikisht rregullojnë shpejtësinë e tyre kur ju jeni duke shkuar poshtë.
Paramendo se ki me hyp në autobus: Ty të duhet vetëm me ngrit thembren e djathtë edhe me vendos përsëri në tokë, në mënyrë që frenat elektronike të mbyllin plotësisht rrotat.
Për t’u kthyer në ecje me ritmin e vrapit, duhet të dilni nga ‘lock mode’ duke e ngritë thembrën e djathtë në ajër dhe duke e rrotulluar sipas orës, ndërsa këmba është në tokë.
Si erdhi deri tek ideja?
Themeluesi i kompanisë Xunjie Zhang thotë se ideja për shpikjen e këpucëve erdhi pasi ai për pak u përplas më skuterin e tij ndërsa udhëtonte për në punë.
“E pyeta veten pse nuk kam ecur kurrë në punë – dhe nuk jam vetëm unë. Shumë njerëz nuk mbështeten në ecje, gjë që është e habitshme duke pasur parasysh se është shumë më e sigurt, më e lehtë dhe më e volitshme, plus që është më e mirë për mjedisin,” tha Zhang në një deklaratë.
“Problemi është se ecja është shumë e ngadaltë dhe e paefektshme. Kështu që unë e bëra misionin tim për të rritur ecjen në vend që ta zëvendësoja atë,” tha ai.
Zhang kaloi pesë vitet e fundit duke u përpjekur të shpikë këpucët më të shpejta në botë “duke u mbështetur në vetë inxhinierinë e trupit“.
Shift Robotics thotë se ndryshe nga patinazhi, moonwalkers nuk kërkojnë aftësi për të mësuar – ti duhet vetëm të ecësh..
Sipas kompanisë, AI përshtatet me ritmin e çdo përdoruesi dhe duhet më pak se 10 hapa që algoritmet të mësojnë modelet e ecjes së përdoruesit./Katror.info
Përgatiti:
