Së fundmi, miliarderi Bill Gates është shprehur se do të donte të arrinte të balanconte më mirë marrëdhëniet e punes me jetën e tij. Ai tha se e kuptoi që jeta nuk është vetëm punë kur u bë baba. Gates u tha të diplomuarve të Universitetit të Arizonës Veriore në një fjalim këto fjalë:
Kur isha në moshën tuaj, nuk besoja tek pushimet. Unë nuk besoja tek fundjavat. I shtyja të gjithë rreth meje të punonin me orë të gjata. Mos e quani veten budallenj nëse i jepni kohë vetes për të pushuar.
Gates tha se në ditët e para të Microsoft ai nuk e kuptonte rëndësinë e një ekuilibri punë-jetë dhe mbante shënim vazhdimisht se cilët punonjës largoheshin më herët ose qëndronin më vonë nga dritarja e zyrës së tij, shkruan Top Albania Radio.
Mundesh me e lexu edhe…
Mos prisni aq gjatë sa unë për të mësuar këtë gjë. Merrni kohë për të ushqyer marrëdhëniet tuaja, për të festuar sukseset tuaja dhe për t’u rikuperuar nga humbjet tuaja. Merrni një pushim kur të keni nevojë. Merreni lehtësisht me njerëzit përreth jush kur ata kanë nevojë.
Ndërkaq, thirrjet për të pezulluar zhvillimin e inteligjencës artificiale nuk do të zgjidhin sfidat. Këtë ka pohuar së fundmi bashkëthemeluesi i Microsoft, Bill Gates. Gates deklaroi se do të ishte më mirë të përqendroheshim në mënyrën më të mirë të përdorimit të zhvillimeve në Inteligjencë Artificiale. Intervista e tij me Reuters vjen pasi një letër e hapur që u publikua javën e kaluar dhe u nënshkrua nga Elon Musk dhe më shumë se 1,000 ekspertë të AI-s kërkoi një pauzë urgjente në zhvillimin e sistemeve të AI-s./Katror.info
Përgatiti:
