Filmi “Mua besoj më shpëtoj portreti” (I Believe the Portrait Saved Me), nga artisti dhe regjisori kosovar Alban Muja, do të jetë pjesë e disa festivaleve të rëndësishme ndërkombëtare gjatë muajve në vijim, shkruan Katror.info.
Kjo vepër filmike, që ndërthur qasjen personale dhe shoqërore me një stil unik artistik, vazhdon të marrë vëmendje në skenën e kinemasë.
Një nga ndalesat më të rëndësishme të filmit është pjesëmarrja në Kurzfilm Festival Hamburg, i cili zhvillohet nga 3 deri më 8 qershor 2025 në qytetin e Hamburgut, Gjermani. Filmi do të konkurrojë në Garën Ndërkombëtare, seksioni kryesor i festivalit, ku përzgjidhen dhe shfaqen disa nga veprat më të spikatura të kinemasë së shkurtër nga e gjithë bota.
Mundesh me e lexu edhe…
Shfaqja e parë e filmit në këtë festival do të mbahet të mërkurën, më 5 qershor 2025, në orën 21:30 në Kino ZEISE 2, ndërsa shfaqja e dytë do të jetë të enjten, më 6 qershor, në orën 16:30 në Kino B-MOVIE./Katror.info
