Definitivisht nuk ka ma mirë se me hangër pjekurina t’shpisë, sidomos nëse janë t’lehta me u përgatitë edhe nuk marrin shumë kohë. Muffins-at janë nji prej atyne recetave që po ua morre dorën nji herë, ma nuk ndalesh s’gatumi e eksperimentumi. N’daç mbushi me copëza çokollate, n’daç me fruta mali a fruta stine, marmelatë a reçel – muffins janë edhe mbeten nji prej gatesave favorite t’shumë prej nesh; veçanarisht fëmijëve, por edhe neve që s’e pranojmë që i kemi ba do vjet.
Krejt çka t’duhet për me i përgatitë muffins-at me çokollatë janë: 25 minuta kohë, pak harxh edhe pak disponim.
PËRBËRËSIT:
2 ve
125 ml vaj luledielli
250 ml qumësht
250 gr sheqer pluhun
400 gr miell
3 lugë pluhur pjekje
1 lugë kripë
100 gr copëza çokollate
HAPI 1:
Nxeje furrën në 200 gradë para se me fillu me përgatitjen e masës. N’secilën gropë t’tepsisë (tepsi për 12 muffins) shto kallëpat e letrës.
Mundesh me e lexu edhe…
- Advertisement -
HAPI 2:
N’nji enë t’thellë shto vezët edhe përziji me mikser për 1 minut. Shto vajin e qumështin. Përzije masën deri sa krejt përbërësit t’bashkohen, mandej shto sheqer pluhurin dhe përzije masën derisa t’shpërbahet sheqeri plotësisht. Shto miellin, pluhurin për pjekje dhe 1 kripën. Masën përzije derisa mirë edhe sigurohu që brumi mos me mbetë kokrra-kokrra. Masës shtoja copëzat e çokollatë dhe përziji mirë.
- Advertisement -
HAPI 3:
Fillo me i mbushë kallëpët me .dy t’tretat e masës. Pjeki muffins-at për 20-25 minuta (nëse e sheh që temperatura asht shumë e naltë, ule temperaturën n’180 gradë), mandej largoje tepsinë prej furrës e leji muffins-at me u ftohë n’temperaturë dhome. Mbas 15 minutave shlirë haji e shoqnoji me nji gotë qumësht a kafe. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
