”Mural Fest” shpall konkurs për projektin me titull “Her Spotlight: A needed space of safety for women” i cili do të implementohet nga 1 deri më 10 shtator.
Mural Fest Kosova është një organizatë artistike që synon të promovojë artin dhe kulturën në vendin tonë. Që nga themelimi i saj, Mural Fest Kosova ka qenë një platformë ku arti i rrugës, veçanërisht muralet, kanë shërbyer si një mjet i fuqishëm për të adresuar dhe sfiduar çështjet sociale.
Rregullat për pjesëmarrje:
Mundesh me e lexu edhe…
Konkursi për propozim-idetë është i hapur për të gjithë artistët e moshës mbi 18 vjet, banorë të Republikës së Kosovës.
Artistët mund të aplikojnë me një deri në tri ide/skica origjinale individuale apo grupore, duke u bazuar në temën e caktuar të konkursit.
Aplikimit duhet t’i bashkëngjitet një dokument i veçantë deri në 500 fjalë ku elaborohet koncepti tekstual i skicës artistike.
Projekt Propozimi duhet të jetë i bazuar në Konceptin e caktuar të Mural Fest Kosova.
Skicat e propozuara duhet të shënohen me emrin, mbiemrin dhe adresën e autorit dhe të dorëzohen në mënyrë elektronike, të skanuara apo të fotografuara me cilësi të mjaftueshme për shqyrtim, nëpërmjet emailit në adresën: [email protected] me subjektin: Aplikoj për HER SPOTLIGHT – [Emri dhe Mbiemri i Autorit].
Organizatorët rezervojnë të drejtën për të publikuar skicat e shpërblyera në gazeta, posterë, media elektronike, katalogë dhe në ekspozita publike, por jo për përfitim material.
Me pjesëmarrjen në konkurs, autori/ja pranon rregulloren e konkursit dhe vendimin e jurisë vlerësuese.
Fituesi i projektit do të paguhet me një shumë totale prej 900.00 EUR bruto
Shënime shtesë:
Mural Fest Kosova merr përsipër pjesën organizative për implementimin e muralit si:
Sigurimin e hapësirës/murit për realizimin e projektit.
Sigurimin e dy asistentëve ndihmës për artistin.
Mbulimin e shpenzimeve materiale për realizimin e muralit si: ngjyrat akrilike për fasadë, brusha, valakë, Skele/kran, në afat kohor 4-8 ditë pune.
Mural Fest nuk merr përsipër shpenzimet që nuk ceken në konkurs.
Projekti përkrahet nga Misioni i Kombeve të Bashkuara në Kosovë – UNMIK, dhe do të ekspozohet në Samitin e Ardhmërisë në Nju Jork më 22 dhe 23 shtator 2024.
Një nga çështjet më shqetësuese sot është femicidi, vrasja e grave nga burrat e tyre. Kjo dhunë ekstreme reflekton pabarazinë gjinore dhe shpesh rrjedh nga normat patriarkale që nënvlerësojnë gratë. Femicidi prek viktimat, familjet e tyre dhe komunitetin më gjerë, duke krijuar një atmosferë frike dhe pabarazie.
Projekti “A needed space of safety for women”, pjesë e temës “Her Spotlight”, synon të ndërgjegjësojë publikun për rëndësinë e luftës kundër femicidit përmes artit. Ky konkurs angazhon artistë për të krijuar mural që përçojnë mesazhe të fuqishme kundër dhunës ndaj grave dhe promovojnë të drejtat dhe sigurinë e tyre.
Qëllimi ynë është të nderojmë viktimat, të frymëzojmë ndryshime pozitive dhe të krijojmë një shoqëri ku gratë dhe burrat jetojnë në barazi dhe paqe. Përmes artit, ne besojmë se mund të bëjmë një hap të rëndësishëm drejt ndalimit të femicidit dhe promovimit të drejtësisë sociale.
Data e Fundit për dorëzimin e skicave: 17 Gusht 2024. /Katror.info
Përgatiti:
