Sulmuesi i RCD Mallorca, Vedat Muriqi, i ka befasuar të gjithë pas fitores ndaj Atlético Madrid, ndeshje kjo e cila përfundoi me rezultatin 1-0, me golin e fitores të shënuar nga Muriqi, duke dhënë intervistën në gjuhën spanjolle.
Sulmuesi nga Kosova, iu drejtua shtypit me të njëjtën qetësi me të cilën shënon gola dhe deklaroi se ndihet i lumtur në ishull.
“Më duan këtu dhe unë e dua klubin. E dija që në Mallorca kisha mundësinë time të fundit për të pasur sukses”.
Mundesh me e lexu edhe…
“Unë nuk kam bërë asgjë për të qenë idhull, por dua të jem në mesin e sulmuesve të mëdhenj të klubit si Etoó apo Guiza në të ardhmen”.
“Unë e dua Ligën Spanjolle për taktikat dhe teknikën e saj dhe shpresoj që ta përfundoj karrierën time këtu”, nënvizoi ai.
Sulmuesi Mallorcan që shënoi sërish u ndal edhe tek ndeshja, duke thënë se e dinte që ishte e vështirë.
“Mendoj se kemi bërë një lojë të shkëlqyer. E dinim që do të ishte e vështirë, por u mbrojtëm mirë, sikurse vitin e kaluar. Kishim pak kohë për t’u përgatitur për ndeshjen por dolëm mirë”, përfundoi sulmuesi kosovar.
Në fund gazetari i dha komplimente Vedat Muriqit për spanjishten e tij, pasi të gjithë intervistën e dha në gjuhën spanjolle.
Pas përballjes, Muriqi u shpall nga La Liga si lojtar i ndeshjes. Ai u vlerësua lartë me nota edhe nga faqet e specializuara si Sofascore dhe Whoscored. Muriqi po zhvillon një sezon të jashtëzakonshëm te Mallorca, duke u kthyer në lojtarin kryesor të kësaj skuadre.
Përgatiti:
