Marsi është quajtur Planeti i Kuq për shkak të ngjyrës së sipërfaqes së tij, e cila është diku midis portokallisë, kafesë dhe të kuqes. Por NASA ka publikuar një seri fotosh që tregojnë Marsin me një ngjyrë krejtësisht tjetër.
Si pjesë e misionit MAVEN (Mars Atmosphere and Volatile Evolution), u bënë fotografi që regjistronin pamjen ultravjollcë të Marsit. Fotografitë e tilla janë jashtëzakonisht të rëndësishme për shkencëtarët, sepse u lejojnë atyre të kuptojnë atmosferën e Marsit dhe të vëzhgojnë sipërfaqen e tij në një mënyrë tjetër, shkruan Katror.info.
Ndryshe, MAVEN u nis në nëntor 2013 dhe hyri në orbitën e Marsit në shtator 2014 për të studiuar atmosferën e sipërme të planetit, jonosferën dhe ndërveprimet me Diellin dhe erën diellore, si dhe humbjen e atmosferës së Marsit në hapësirë.
Mundesh me e lexu edhe…
Fotot e publikuara tani bërë nga Maven marrë duke përdorur spektrografin ultravjollcë gjatë në 2022 dhe 2023.
Një spektrograf ultravjollcë regjistron gjatësi vale midis 110 dhe 340 nanometra, që është jashtë spektrit të dukshëm. Siç thekson NASA, për t’i bërë këto gjatësi të dukshme për syrin e njeriut dhe për të interpretuar më lehtë të dhënat, imazhet janë ngjyrosur gabimisht me nuanca të ndryshme të kuqe, jeshile dhe kaltër. Kështu, atmosfera merr një pamje vjollce, ndërsa sipërfaqja merr një ton të verdhë, kafe apo edhe të gjelbër.
Pra, Planeti i Kuq në fakt bëhet shumëngjyrësh dhe kjo na jep një përvojë krejtësisht të re të vëzhgimit të Marsit. Për shkencëtarët, këto të dhëna do të jenë të një rëndësie të jashtëzakonshme për studimin e mëtejshëm të Marsit. /Katror.info
Përgatiti:
