NASA ka sjellë së fundmi disa foto të Tokës dhe satelitit të saj natyror, Hënës. Fotot në fjalë janë shkrepur nga anija kozmike Lucy fundjavën e kaluar.
Lucy e NASA-s kapi këtë imazh të Tokës dhe Hënës nga një distancë prej 1.4 milion kilometra.
NASA shpjegon se imazhi u shkrep si pjesë e një sekuence të kalibrimit të instrumenteve ndërsa anija kozmike iu afrua Tokës për të parën nga tre asistimet e gravitetit të Tokës.
Mundesh me e lexu edhe…
Graviteti i Tokës i dhuron Lucy-t shpejtësinë e nevojshme për të arritur asteroidët trojanë – trupa të vegjël që rrotullohen rreth Diellit në të njëjtën distancë si Jupiteri.
Në udhëtimin e saj 12-vjeçar, Lucy do të fluturojë me një numër rekord asteroidësh dhe do të vëzhgojë diversitetin e tyre, duke kërkuar të dhëna për të kuptuar më mirë formimin e sistemit diellor.
Imazhi është marrë me sistemin e kamerës së gjurmimit të terminalit të Lucy (T2CAM), një palë kamerash identike që janë përgjegjëse për gjurmimin e asteroidëve gjatë takimeve me shpejtësi të lartë të Lucy.
Lucy është misioni i parë për eksplorimin e asteroidëve trojanë të Jupiterit, një ‘popullsi’ e lashtë e “fosileve” yjore që rrotullohen rreth Diellit në të njëjtën distancë me Jupiterin. Për të arritur këta asteroidë të largët, Lucy duhet të orbitojë të paktën tre herë rreth Tokës. /Katror.info
Përgatiti:
