Tesla në mënyrë konstante kërkon për vende të reja për ndërtimin e fabrikave anembanë globit, dhe pretendenti më i fundit është Spanja, zbulon një raport i fundit nga Reuters.
Sipas një burimi në njohuri me çështjen, prodhuesi i veturave nën pronësinë e Musk është në bisedime me liderët e qeverisë rajonale të Valencia-s për të bërë “një investim automobilistik”.
Një zëdhënës nga qeveria rajonale e Valencia konfirmoi se ata kanë mbajtur takime dhe bisedime në lidhje me një “investim të madh në fushën e automobilistikes” me një kompani anonime, duke refuzuar të jap më tepër detaje për shkak të konfidencialitetit të negociatave, shkruan Arena EV, transmeton Telegrafi.
Mundesh me e lexu edhe…
Por një burim tjetër konfirmoi se kompania në fjalë është Tesla. Gazeta spanjolle e biznesit “Cinco Dias” citoi disa burime të cilat pretendojnë se investimi në fjalë përfshinë ndërtimin e një fabrike të veturave dhe se shuma totale e këtij investimi mund të arrijë deri në 4.5 miliardë euro.
Qeveria E Valencia-s ka mohuar raportimet se ka arritur përmbylljen e një marrëveshje me Tesla-n, një indikator që tregon se negociatat mes tyre janë duke vazhduar, që do të thotë se ato mund të përmbyllen me një zgjidhje pozitive ose edhe pa një marrëveshje.
Në anën tjetër, Pedro Sanchez, kryeministri spanjoll bëri një postim në profilin e tij në Twitter në lidhje me këtë çështje, ku shkroi: “Ka ardhur koha. Le ta kuptojmë mirë. Ejani dhe shikoni. Ne mirëpresim investitorët në Spanjë”.
Deri më tani Telsa e ka vetëm një “Gigafabrikë” në Evropë, vendndodhja e së cilës është në shtetin gjerman të Brandengurg, afër Berlinit.
Spanja është prodhuesi i dytë më i madh i veturave në Evropë, dhe investimi në atë vend do të kishte kuptim – duke ditur faktin se Valencia është gjithashtu shtëpia e një fabrike të Ford-it, dhe gjithashtu Volkswagen do ta bëjë një investim në një fabrikë baterish prej 10 miliardë eurosh me kapacitetin e prodhimit prej 40GWh, teksa puna aty do të fillojë nga viti 2026. /Katror.info
Përgatiti:
