I inspiruar nga një familjar, Krenar Roka ka dashur medoemos të përjetojë jetesën në Shtetet e Bashkuara. Por, kur ka shkuar, ai tregon sesi “realiteti i është përplasur fytyrës”. Fillimisht student, ai më vonë është bërë bashkëthemelues i një biznesi që po rritet gjithnjë e më shumë.
Në një intervistë për Radion Evropa e Lirë, Krenari, rrëfen sfidat e njëpasnjëshme deri te suksesi në Amerikë.
29 vjeçari nga Kosova është nisur për në Amerikë që kur ishte 17 vjet, ai tani bashkudhëheq një kompani ‘’Rubik’’ e cila është e specializuar në fushën e patundshmërisë në New York.
Mundesh me e lexu edhe…
‘’E kam pas ëndërr gjithmonë me shkue në Amerikë, për shkak të një rol model që e kam pas në familje, Beharin. Ai ka shku në Amerikë kur ka qenë i vogël, ka studiu në Colombia University, edhe duke i pa eksperiencat edhe të arriturat e tij, më ka inspiru edhe mu.’’
Për Krenarin ka pasur sfida të dyfishta, ajo e përshtatjes, sidhe ajo akademike.
“Qysh fëmijë në Kosovë kam mësu’ në mënyrë sistematike. Në Amerikë kam shku me bursë edhe vetëfinancim. Atje kam pas aktivitete edhe jashtë shkolle, si piano, futboll edhe të gjitha këto kanë kontribu kapak. Po ashtu kam targetu edhe cilat shkolla me shku. Kam pas njëlloj krenarie kur kam shku, mirëpo realiteti u kanë ma i vështirë, kam mendu se e njoh gjuhën, por komunikimi me njerëz nga vende të ndryshme edhe shkrimi i eseve të gjata më ka bë me kuptu që nuk jam aq i mirë sa kam mendu në anglisht, edhe e kam fillu me marr ma seriozisht aspektin akademik”, thotë Krenari.
Mirëpo, këto sfida Krenari nuk po i ndante i vetëm, pasiqë, me dy shokët e tij, ata tashmë po kalonin nëpër sfida mbijetese për të arritur tek një sukses i madh.
‘’Në New Mexico kam shku 2 vjet në shkollë të mesme, mandej kam vazhdu me bursë, për ekonomi dhe matematikë në ‘’Colby College’’. Gjatë kësaj kohe i takova edhe dy shokë të mire, Amarin nga Bosnja dhe Tomas nga Britania, zhvilluam shoqëri të mirë dhe biznes. Fillimisht krijuam një online shop për studentët e shkollës. Ka qenë pak vend i izolum edhe ka qenë sfid me shkue në Walmart me u furnizu me produkte, edhe për atë arsye e krijum një kompani që u’a lehtëson këtë sfidë studentëve. Kompania nuk pati ndonjë sukses të mire, por ka qenë eksperiencë e mirë me hy në lojën e bizneseve dhe me i njoft partnerët.Rrjedhimisht vazhduam bashkëpunimin, dhe menduam që ja vlen me shku në New York edhe me vazhdu me një kompani tjetër.
Tutje, Krenari rrëfen se si në New York kishin shkuar me 1000 dollarë, ndërsa nga 25 dollarë sa kishin në bankë, shifrat e parave u shumëfishuan pas një kohe të mundimshme.
‘’Kemi shku pa asnjë lidhje atje, pa pare, ndoshta me 1000 dollarë. Kemi jetu me një apartament goxha të vjetër dhe me kushte jo shumë të mira. Në mungesë të parave është dashtë një kohë të gjatë me ngrënë makarona edhe oriz. Gjatë një kohe kemi dale edhe nëpër rrugë, me pa nëse njerëzit kanë hedhur diçka që për neve mund të kishte vlerë. Kemi gjetë printera, pajisje që i kemi shit online edhe kemi siguru mbijetesën.”
Prej mëngjesit edhe mbrëmjeve kryesisht kemi ndërtu produkte të softwerit. Vitin e parë në New York kemi ndërtu produkte që askujt ndoshta nuk i interesojnë. Është e kuptueshme që në biznes duhet me krijue gjëra që për të tjerët kanë vlerë edhe janë të nevojshme edhe me jep zgjidhje. Krijimi i këtyre produkteve të panevojshme, mendoj që është rrugëtim që çdo krijues duhet me kalue për me arrit deri tek ajo që ka me pas sukses.
Gjithë kemi qenë në minus, sepse duke eksperimentu edhe duke kriju fillum me kuptu më mirë industrinë. Momentalisht ne jemi duke e u marrë me industrinë e patundshmërive. Duke njohur njerëz duke prezantuar projekte arritëm me i marrë investimet e para në kompani. Në vitin 2018 kemi marrë investitorin e parë prej 100 mijë dollarësh në sferën e teknologjisë. Kur e kemi marrë këtë shumë ne së bashku i kemi pasë veç 25 dollarë në bankë. Pavarsisht këtij investimi ne prapë patëm vazhdu mënyrën e jetesës të njëtjtë.
Kemi qenë të hequr keq, ku pavarsisht sinjaleve që kemi marrë se jemi në rrugën e duhur, prapë kemi vazhdu me jetu në formë mbjetese, derisa në vazhdim të punës kemi marrë 5 milion investime, deri së fundmi vitin e kaluar, ku kemi marrë 3.5 milion. Kam ardh’ në Kosovë e kam themelu një ekip kryesisht me zhvillues të softwerit me programera, edhe kemi vazhdu bznesin në këtë mënyrë”, rrëfen kështu storjen e tij të suksesit Krenar Roka.
Nga e gjitha kjo eksperiencë, Krenari ka disa këshilla për të rinjtë të cilët kanë ambicie të rijojnë apo drejtojnë ndonjë biznes.
‘”Tek pjesa akademike, konsistenca është e rëndësishme, mos me u limitu, me mbajt kontakte me njerëz të ndryshëm, me pas fokus se pse po don me shku në një vend, edhe me krjue strategji për me arrit qëllimet. Me qenë i apasionuar me kuptu problemin dhe jo zgjidhjen, sepse njerëzit nisen nga ideja, dhe pas kuptimit të problemit zgjidhja vjen natyrshëm. Nëse krijon ndonjë produkt mos me u lidh emocionalisht me të sepse është vetëm produkti fillestar u cili do të ndryshjoj gjatë rrugës. Po ashtu, I vetëm nuk arrihet asgjë, pasi rrugëtimi është shumë i gjatë edhe nevojiten njerëz me bindje të njejta, që besojnë në ty edhe që kanë ambicje të njëjta. Për fund, kam mësue se koha është më e vlefshme se parja, sepse jo cdo problem ja vlen me u zgjidh”, përfundoi Roka./ Radio Evropa e Lirë/Katror.info
Përgatiti:
