Festivali Ndërkombëtar i Filmit Dokumentar dhe të Shkurtër, “DokuFest”, nis sonte në Prizren dhe do të zgjasë deri më 9 gusht 2025, duke shtrirë programin e tij në disa nga lokacionet më ikonike të qytetit.
Edicioni i 24-të i festivalit zhvillohet nën moton “Lakmi. Pafund. Çmendi. Boshllëk”, një thirrje simbolike për t’u përballur me realitetin, për të qëndruar të vetëdijshëm në një botë që po zëvendëson kuptimin.
Këtë vit, tema nuk është thjesht temë — por një gjendje shpirtërore që pasqyron luftën e pandërprerë dhe krizën e thellë të komunikimit.
Mundesh me e lexu edhe…
Në këtë edicion, DokuFest sjell 100 filma nga 50 vende të ndryshme, të ndarë në 7 kategori garuese, duke ofruar një pasqyrë të gjerë të realiteteve globale.
Programi përfshin gjithashtu DokuNights, ku për herë të parë performojnë Yll Limani dhe Shkodra Elektronike.
Përmes një ndërthurjeje të filmit, diskutimit dhe muzikës, DokuFest shndërrohet në një protestë të vetëdijes, që sfidon harresën dhe pasivitetin./Albanian Post/Katror.info
