Agjencia e Menaxhimit Emergjent (AME) ka nisur Javën e aktiviteteve me një ekspozitë të veçantë, ku janë prezantuar pajisjet dhe mjetet e përdorura nga njësitë profesionale të zjarrfikësve, ekipet e barrierave dhe ato për shuarjen e zjarreve malore nga toka, raporton Ekonomia Online.
Në hapje të këtij aktiviteti, drejtori i AME-së, Genc Metaj, theksoi rëndësinë e vetëdijesimit të qytetarëve për menaxhimin e situatave emergjente dhe rolin që ka Agjencia në parandalimin dhe reagimin ndaj fatkeqësive.
“Qëllimi ynë është edhe të promovojmë rolin dhe rëndësinë e Agjencisë së Menaxhimit Emergjent, të njësive profesionale të zjarrfikjes dhe shpëtimit, strukturave të mbrojtjes, shpëtimit dhe ndihmës si dhe masat që duhet të ndërmerren në rast të fatkeqësive, veçanërisht të fokusohemi në parandalimin e tyre”, deklaroi Metaj.
Mundesh me e lexu edhe…
Në këtë ngjarje mori pjesë edhe ministri në detyrë i Punëve të Brendshme, Xhelal Sveçla, i cili përgëzoi punën e AME-së dhe theksoi nevojën për koordinim të ngushtë ndërinstitucional në rastet emergjente.
AME ka për qëllim të udhëheqë dhe koordinojë përpjekjet shtetërore në fushat e parandalimit, gatishmërisë, reagimit dhe rimëkëmbjes në situata të jashtëzakonshme, duke u siguruar që institucionet dhe qytetarët të jenë të përgatitur për çdo eventualitet./Katror.info
Përgatiti:
