Action for Mothers and Children (AMC), në bashkëpunim me Americares, ka dhuruar 100 shishe Survanta për Klinikën e Neonatologjisë në Kosovë, një ndihmë thelbësore për foshnjat e lindura para kohe. Donacioni, me vlerë rreth 40 mijë euro, synon të mbështesë trajtimin dhe kujdesin intensiv për foshnjat që kanë nevojë për ndihmë jetike në fazat e para të jetës së tyre, shkruan Katror.info.
Këtë e bërë të ditur Action for Mother and Children (AMC), përmes një njoftimi në rrjete sociale.
”Survanta është një terapi e domosdoshme për trajtimin e Sindromës së Distresit Respirator (RDS), një gjendje e rëndë që prek foshnjat e lindura para kohe si pasojë e mungesës së surfaktantit në mushkëri. Ky medikament ndihmon në hapjen dhe funksionimin e mushkërive, duke reduktuar ndjeshëm rrezikun e komplikimeve të rënda respiratore dhe duke rritur shanset për një zhvillim normal të foshnjave”, thuhet në njoftim.
Mundesh me e lexu edhe…
Sipas njoftimit, ky donacion do t’i mundësojë Klinikës së Neonatologjisë të ofrojë trajtim më efektiv për dhjetëra foshnja të lindura parakohe çdo vit.
”AMC vazhdon të jetë e përkushtuar për të mbështetur shëndetin e nënave dhe foshnjave në Kosovë, duke siguruar barna dhe pajisje esenciale për përmirësimin e kujdesit shëndetësor”, theksohet në njoftim.
Në fund, AMC shpreh mirënjohjen e saj për Americares dhe për të gjithë partnerët e donatorët që ndihmojnë dhe mbështesin sigurimin e një fillimi më të sigurt dhe më të shëndetshëm për foshnjat. /Katror.info
Përgatiti:
