Çiklistët e Kopenhagës udhëtojnë rreth 1.44 milionë kilometra në ditë, gjë që sigurisht nuk do të ishte e mundur nëse qyteti nuk do t’u ofronte infrastrukturën e duhur.
Qyteti më i mirë për çiklistët në botë ndodhet në veri të Evropës – kryeqyteti i Danimarkës, Kopenhaga është një parajsë për ata që preferojnë tu japin pedaleve në vend që të ulen në makina. Rreth gjysma e qytetarëve zgjodhën një biçikletë si mjet të përditshëm transporti për udhëtimin për të shkuar dhe për tu kthyer nga puna, shkruan Katror.info.
Çiklistët e Kopenhagës udhëtojnë rreth 1.44 milionë kilometra në ditë, gjë që sigurisht nuk do të ishte e mundur nëse qyteti nuk do t’u ofronte infrastrukturën e duhur. Dhe fakti që gjithçka po funksionon mirë konfirmohet edhe nga hulumtimet mbi kënaqësinë e çiklistëve – 97 për qind e tyre janë mjaft të kënaqur me kushtet për të ecur me biçikletë në qytet. Rreth tre të katërtat e çiklistëve nuk heqin dorë nga pedalimi edhe gjatë dimrit të gjatë dhe të errët danez. Dhe përsëri, arsyeja për këtë është infrastruktura e shkëlqyer.
Mundesh me e lexu edhe…
Kopenhaga ka treguar se një rrjet i thjeshtë, i sigurt dhe i lidhur mirë i korsive dhe rrugëve për biçikleta i inkurajon njerëzit të jetojnë jetë më të shëndetshme, më të qëndrueshme dhe të përgjegjshme për planetin. Një nga vendet më të frekuentuara në qytet është ura për çiklistët Zikelslangen – ose “gjarpëri i biçikletës”, përmes së cilës kalojnë më shumë se 20 mijë çiklistë çdo ditë. E ngritur mbi nivelin e rrugës, ura gjarpëron në mënyrë elegante pak jashtë qendrave tregtare dhe zbret në port, ku çiklistët vazhdojnë në Urën Quay nga e cila nisen.
Cykelslangen (Cykelslangen) pa dritën e ditës në vitin 2014 pas tetë vitesh planifikim dhe “gjarpri” 200 metra i gjatë dhe shtatë metra i lartë u mirëprit me duartrokitje. /Katror.info
Përgatiti:
