Erolda Çela është një fashion dizajner e re nga Dibra, e cila premton shumë në botën e modës. Qe e vogël e ka pasur pasion të bukurën e deri me sot ka punuar fort për ta bërë realitet këtë ëndërr e për t’i dhënë jetë këtij pasioni. E gjitha mori jetë kur në gjimnaz u bë pjesë e një projekti me veshje të riciklueshme, gjë e cila e ndihmoi të bëhet pjesë e Universitetit të Arteve, ku vazhdoi dhe studimet për Pikturë, Tekstil dhe Modë.
Ajo përfaqësoi Shqipërinë në European Fashion Passaport të mbajtur në Sarajevë, një konkurs garonin stilistë me eksperiencë të madhe në këtë fushë.
Ky sukses nuk është i rastësishëm, pasi që në moshë shumë të vogël ajo eksperimentonte duke stiluar veshje për kukulla, duke vizatar dhe duke pregatitur fustane me mjete të riciklueshme, nisur kjo dhe nga projektet shkollore.
Mundesh me e lexu edhe…
Si një stiliste e re ajo frymëzohet nga çdo gjë që e rrethon. I do ngjyrat, historinë, detajet, volumet dhe mënyrën sesi ato përqasen në veshje. Për momentin është fokusuar te veshjet tradicionale shqiptare sepse te to gjen burime të larmishme dhe labirinthe të bukurisë e vlerave që mbartin.
Edhe pse në hapat e para, Erolda synon që në të ardhmen të ketë një atelie të saj të modës ku çdo grua apo vajzë që të vishet me koleksionet e saj të ndiejë emocion; një emocion pak a shumë të njëjtë me atë që ka përjetuar vetë stilistja kur i ka krijuar. Njëkohësisht, ajo dëshiron të realizojë dhe veshje për meshkuj. Të ketë një brand Erolda Çela, ku gjithësecili të gjejë veten.
Përgatiti:
